A.Ferdaýsı mektebinde barlyǵy 116 qyzmetker jumys atqarsa, onyń 81-i ustazdyq etedi. Jalpy bilim uıasynda 682 oqýshy bilim alsa, onyń ishinde 314-i er bala, 368-i qyz bala. 2018 jyldyń 1-qyrkúıegi kúni qyz balalardyń barlyǵy derlik mektepke dinı atrıbýttyq belgileri bar formamen kelgen bolatyn. Máseleni sheshý úshin oblystyq bilim basqarmasy men ishki saıasat basqarmasynyń mamandarynan, aýdan ákimdigi men aýdandyq quqyq qorǵaý organdarynyń mamandarynan arnaıy jumysshy top qurylyp, zań boıynsha jumystar júrgizildi. Atap aıtqanda, mindetti mektep formasyna qoıylatyn talaptardy saqtamaǵan oqýshylar mekteptiń aýmaǵyna kirgizilmedi jáne QR-nyń «Bilim týraly» Zańynyń 49-babynda kórsetilgen mindetterdi oryndamaǵan ata-analarǵa tıisti sharalar qabyldandy.
Narazylyq tanytqan aýyl turǵyndaryna jumysshy toptyń músheleri túsindirý jumystaryn jan-jaqty júrgizdi. Jumysshy toptyń quramy men dinı birlestik mamandary ata-analar qaýymymen, aýyl bıleri jáne zıaly qaýym ókilderimen birneshe jıyndar ótkizip, zaıyrly memlekettiń bilim uıalaryndaǵy ortaq standarttardy saqtaý talaby týraly habarlamalar jasady. Arnaıy barǵan 40 psıholog mektep muǵalimderiniń jáne oqýshylardyń árbirimen jumys istep, zaıyrly eldegi eń basty qundylyq – memleket zańyna baǵyný ekenin túsindirdi. Sondaı-aq, stresske qarsy jáne onyń aldyn alý boıynsha trenıńter uıymdastyryldy.
Keıinnen oblystyq bilim basqarmasy men jergilikti ákimdik tarapynan áleýmettik jospar jasalyndy. Qyrkúıektiń 7-nen bastap qazirgi tańǵa deıin oqýshylar sporttyq jáne mádenı is-sharalarǵa qatystyrylýda. Sondaı-aq, oqýshylardyń týǵan jerge degen patrıottyq sezimderin nyǵaıtý úshin Elbasymyzdyń «Bolashaqqa baǵdar: Rýhanı jańǵyrý» maqalasyndaǵy «Týǵan jer» baǵdarlamasy aıasynda elimizdiń kıeli jerleri men qasıetti qalalaryna saıahattar jasalyndy. Elordamyz Astana qalasyna da mundaı saıahatty uıymdastyrý aýdan ákimdigi tarapynan kózdelip otyr.
Aıta keteıik, búgingi tańda jaǵdaı turaqty. Maqtaaral aýdanynda mektep formasyna qatysty másele sheshimin tapqan. Oqýshylardyń barlyǵy sabaqqa qatysyp, bilim alýdy jalǵastyrýda.
[video width="352" height="640" mp4="https://dalanews.kz/wp-content/uploads/2018/10/WhatsApp-Video-2018-10-14-at-20.08.53.mp4"][/video]
Maqtaaral aýdany ákiminiń baspasóz qyzmeti
