ا.فەرداۋسي مەكتەبىندە بارلىعى 116 قىزمەتكەر جۇمىس اتقارسا، ونىڭ 81ء-ى ۇستازدىق ەتەدى. جالپى ءبىلىم ۇياسىندا 682 وقۋشى ءبىلىم السا، ونىڭ ىشىندە 314ء-ى ەر بالا، 368ء-ى قىز بالا. 2018 جىلدىڭ 1-قىركۇيەگى كۇنى قىز بالالاردىڭ بارلىعى دەرلىك مەكتەپكە ءدىني اتريبۋتتىق بەلگىلەرى بار فورمامەن كەلگەن بولاتىن. ماسەلەنى شەشۋ ءۇشىن وبلىستىق ءبىلىم باسقارماسى مەن ىشكى ساياسات باسقارماسىنىڭ ماماندارىنان، اۋدان اكىمدىگى مەن اۋداندىق قۇقىق قورعاۋ ورگاندارىنىڭ ماماندارىنان ارنايى جۇمىسشى توپ قۇرىلىپ، زاڭ بويىنشا جۇمىستار جۇرگىزىلدى. اتاپ ايتقاندا، مىندەتتى مەكتەپ فورماسىنا قويىلاتىن تالاپتاردى ساقتاماعان وقۋشىلار مەكتەپتىڭ اۋماعىنا كىرگىزىلمەدى جانە قر-نىڭ «ءبىلىم تۋرالى» زاڭىنىڭ 49-بابىندا كورسەتىلگەن مىندەتتەردى ورىنداماعان اتا-انالارعا ءتيىستى شارالار قابىلداندى.
نارازىلىق تانىتقان اۋىل تۇرعىندارىنا جۇمىسشى توپتىڭ مۇشەلەرى ءتۇسىندىرۋ جۇمىستارىن جان-جاقتى جۇرگىزدى. جۇمىسشى توپتىڭ قۇرامى مەن ءدىني بىرلەستىك ماماندارى اتا-انالار قاۋىمىمەن، اۋىل بيلەرى جانە زيالى قاۋىم وكىلدەرىمەن بىرنەشە جيىندار وتكىزىپ، زايىرلى مەملەكەتتىڭ ءبىلىم ۇيالارىنداعى ورتاق ستاندارتتاردى ساقتاۋ تالابى تۋرالى حابارلامالار جاسادى. ارنايى بارعان 40 پسيحولوگ مەكتەپ مۇعالىمدەرىنىڭ جانە وقۋشىلاردىڭ اربىرىمەن جۇمىس ىستەپ، زايىرلى ەلدەگى ەڭ باستى قۇندىلىق – مەملەكەت زاڭىنا باعىنۋ ەكەنىن ءتۇسىندىردى. سونداي-اق، سترەسسكە قارسى جانە ونىڭ الدىن الۋ بويىنشا ترەنينگتەر ۇيىمداستىرىلدى.
كەيىننەن وبلىستىق ءبىلىم باسقارماسى مەن جەرگىلىكتى اكىمدىك تاراپىنان الەۋمەتتىك جوسپار جاسالىندى. قىركۇيەكتىڭ 7-نەن باستاپ قازىرگى تاڭعا دەيىن وقۋشىلار سپورتتىق جانە مادەني ءىس-شارالارعا قاتىستىرىلۋدا. سونداي-اق، وقۋشىلاردىڭ تۋعان جەرگە دەگەن پاتريوتتىق سەزىمدەرىن نىعايتۋ ءۇشىن ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسى اياسىندا ەلىمىزدىڭ كيەلى جەرلەرى مەن قاسيەتتى قالالارىنا ساياحاتتار جاسالىندى. ەلوردامىز استانا قالاسىنا دا مۇنداي ساياحاتتى ۇيىمداستىرۋ اۋدان اكىمدىگى تاراپىنان كوزدەلىپ وتىر.
ايتا كەتەيىك، بۇگىنگى تاڭدا جاعداي تۇراقتى. ماقتاارال اۋدانىندا مەكتەپ فورماسىنا قاتىستى ماسەلە شەشىمىن تاپقان. وقۋشىلاردىڭ بارلىعى ساباققا قاتىسىپ، ءبىلىم الۋدى جالعاستىرۋدا.
[video width="352" height="640" mp4="https://dalanews.kz/wp-content/uploads/2018/10/WhatsApp-Video-2018-10-14-at-20.08.53.mp4"][/video]
ماقتاارال اۋدانى اكىمىنىڭ باسپا ءسوز قىزمەتى
