Búgin Maqtaaral aýdanynda kóptiń máńgilikke esinde qalatyn, rýhani bailyq alatyn «Saǵyndyrǵan ánder-ai» atty oblystyq vokaldy-aspapty ansamblderiniń án baiqaýy ótti. Júrekterge ánnen tumar taǵatyn baiqaýdy Maqtaaral aýdany ákiminiń orynbasary Altyn Eshanqulova ashyp berip, qatysýshy ansamblderge sáttilik tiledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblystyq «Saǵyndyrǵan ánder-ai» baiqaýyna 12 aýdannan 14 ansambl qatysty. Baiqaý sharty boiynsha birinshi kezeńde 80-90 jyldardaǵy retro ánderdi oryndasa, ekinshi kezeńde erkin taqyryptaǵy ánder oryndady.
Baiqaýǵa Túrkistan oblystyq mádeniet jáne halyq shyǵarmashylyq ortalyǵynyń mádeni uiymdastyrýshy mamany, QR Mádeniet salasynyń úzdigi Zaǵipa Ómirzaqova, Maqtaaral aýdandyq mádeniet úiiniń Ujym jetekshisi Dúisenbi Jumabaev jáne Qurmanbek Jandarbekov atyndaǵy drama teatrynyń dybys rejiseri, mýzyka óńdeýshi Erjan Bakirov qazylyq etti.
Baiqaý qorytyndysy boiynsha ádil qazylar alqasynyń sheshýimen bas júlde «Tarlan» vokaldy-aspapty ansambline (Túrkistan qalasy) buiyryp, arnaiy diplom men 500 myń teńge qarjylai syilyqqa ie boldy. 1-oryndy «Qazyǵurt Bend» vokaldy-aspapty ansambli (Qazyǵurt aýdany), 2-oryndy «Arai» halyqtyq vokaldy-aspapty ansambli (Ordabasy aýdany) jáne «ART&MUSIC» vokaldy-aspapty ansambli (Túlkibas aýdany), 3- oryndy «Saryaǵash» vokaldy-aspapty ansambli (Saryaǵash aýdany) jáne «Merei» vokaldy-aspapty ansambli (Maqtaaral aýdany) ielendi.
Túrkistan oblystyq mádeniet basqarmasynyń arnaiy júldesi Jetisai aýdanynan kelgen «Birlik» vokaldy-aspapty ansambline buiyrdy. Sonymen qatar Maqtaaral aýdany ákiminiń arnaiy júldesi Sairam aýdanynan kelgen«Aqsý áýenderi» halyqtyq vokaldy-aspapty ansambline buiyrdy. Baiqaýǵa belsene qatysqan basqa da óner ujymdary arnaiy diplommen marapattaldy.
