Maqtaaralda marmelad shyǵaratyn kásiporyn iske qosylady
Maqtaaral aýdanynda 2021-2022 jyldary 308 adamdy turaqty jumyspen qamtityn jalpy investitsiia kólemi 10,8 mlrd teńgege 5 joba iske asyrylady. Onyń biri jylyna 10 000 tonna marmelad jáne jemis-jidek, baqsha, ónimderin keptirip óndiretin «JID&COM» seriktestiginiń jobasy bar, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óndiris orny Germaniia memleketimen birlesken kompaniiasymen salynyp, 2021-2022 jyldary iske qosylmaq. Onda 74 adam jumyspen qamtylady. Bul týraly brifingte aýdan ákimi Baqyt Asanov málimdedi.
Sondai-aq, aýdanda maqta maiyn óndiretin jalpy quny 2,2 mlrd teńgeni quraityn Qazaqstan jáne Túrkiia elderiniń birlesken jobasy júzege asady. Óndiris orny aǵymdaǵy jyly iske qosylady dep josparlanýda.
Jobanyń qýattylyǵy jylyna 2,9 myń tonna mai, 14 000 tonna shrot shyǵarý, onda 48 adam jumyspen qamtylady.
Sonymen qatar, jalpy quny 5,9 mlrd teńgeni quraityn jip shyǵaratyn «Tulpar Texstill» JShS-i Qazaqstan jáne Túrkiiamen birlesken kompaniiasymen salynyp, 2021-2024 jyldary júzege asady. Jobanyń qýattylyǵy jylyna 6 600 tonna jip óndirý. Budan ózge, jalpy quny 209 mln teńgeni quraityn «EL-KZ 2020» JShS-i temir-beton ónimderin shyǵaratyn zaýytty 2021-2022 jyldary iske qosýdy josparlaýda. Jáne de aýdanda «Injenernaia arena» JShS-i Malaiziia memleketimen birlesken qýattylyǵy 4,95 MVt elektr energiiasyn óndiretin stantsiiasy 2021 jyly salynady.
– Maqtaaral aýdanynda 2021 jyldyń 4 aiynda jalpy ishki ónim kólemi 15,1 mlrd teńgeni qurasa, ótken jyldyń tiisti kezeńimen salystyrǵanda 5,5% artqan. Aýdan boiynsha biyl negizgi kapitalǵa salynǵan investitsiianyń jalpy kólemi 4,5 mlrd teńgeni qurap otyr. Al jalpy aýyl sharýashylyǵy óniminiń kólemi 2021 jyldyń 4 aiynda 4,5 mlrd teńgege jetti. Onyń ishinde, ósimdik sharýashylyǵy – 431,1 mln teńge, mal sharýashylyǵy - 4,1 mlrd teńge, – dedi Baqyt Nasyrhanuly.
