Esterińizde bolsa, ótken jyldyń mamyr aiynda bolǵan Ózbekstandaǵy «Sardoba» sý qoimasynyń apatqa ushyraýy saldarynan Maqtaaral aýdanynyń 5 birdei aýyly sý astynda qalyp, ondaǵy turǵyndar birqatar qiyndyqtardy basynan ótkerdi.
El azamattary aldymen Jańajol aýyl okrýgine qarasty Órgebas aýylynyń turǵyndarymen kezdesip, olardyń búgingi jai-kúiimen tanysyp shyqty. Kezdesý barysynda úmitkerler turǵyndardyń qonysyna qutty bolsyn aityp, «Nur Otan» partiiasynyń 5 jyldyq sailaýaldy baǵdarlamasyn jan-jaqty túsindirip berdi.
– Ótken jylǵy qiyndyqty qazaq halqy birge eńserdi. Bul eldiń yntymaǵy men birliginiń arqasynda iske asty. Elbasymyzdyń bastamasymen qurylǵan «Birgemiz» qory arqyly 32 jańa úidiń qurylysy júrgizildi. «Nur Otan» partiiasy arqyly júzdegen tonna gýmanitarlyq kómek uiymdastyryldy. Atalǵan kómektiń arqasynda maqtaaraldyqtar qiyndyqty eńserip, jeńiske birge jetkenine búkil qazaq jurty kýáger boldy. Endi mundai apattardan saqtasyn, elimiz tynysh, jurtymyz aman bolsyn! – dedi Qairat Balabiev.
Munan soń úmitkerler Firdaýsi aýylynyń aqsaqaldarymen kezdesip, pikir almasty. Úgit-nasihat únparaqtaryn taratyp, aýyldaǵy jyl boiǵy atqarylǵan jumystardy baǵamdap shyqty. Úmitkerlerdiń nazarynan Myrzashól aýylynyń irgesinen boi kótergen jańa móltek aýdan da tys qalǵan joq.
Úmitkerler aitylǵan máseleler «Nur Otan» partiiasynyń baqylaýyna alynyp, aldaǵy 5 jylda tolyǵymen júzege asyrylatynyn jetkizdi. Sondai-aq, olar maqtaaraldyqtardy 10 qańtar kúngi partiialar arasyndaǵy sailaýǵa birkisidei atsalysyp, bas partiiaǵa daýys berýge shaqyrdy.
«Nur Otan» partiiasy Túrkistan oblystyq filialynyń baspasóz qyzmeti
(Material aqysy «Nur Otan» partiiasy Túrkistan oblystyq shtabynyń sailaý qorynan tólendi)
