Qazirgi tańda 50 eldimekende 258 kósheniń boiyndaǵy jalpy uzyndyǵy 21,2 shaqyrym lotoktar, 127 shaqyrym aryq-atyzdar, 32 shaqyrym qashyrtqylar jáne kópir astyndaǵy qubyrlar tazalandy. Sondai-aq, bul jumystar toqtaýsyz jalǵasýda.
Jalpy aýdan aýmaǵynda sý tasqynyna alyp keletin ózen, kólder, sý qoimalary, gidrotehnikalyq qurylystar joq. Degenmen, Ózbekstan Respýblikasy "Syrdariia" aýmaqtyq sý sharýashylyǵy birlestiginiń esebindegi "Dostyq" magistraldy kanaly arqyly aýdanǵa aǵyn sý jetkiziledi. Qazirgi tańda kanaldyń qaýipti bolatyn avariialyq aimaqtary joq. Soǵan qaramastan, kanalǵa baqylaý beketteri uiymdastyrylyp, dispetcherlik kezekshilik qoiylǵan.
Negizinen, Maqtaaral aýdanynda jyl saiyn aqpan, naýryz ailarynda jaýatyn nóser jańbyr men egistik jerlerdi qysqy sor shaiý jumystaryn júrgizý saldarynan jerasty sýlarynyń deńgeii kóteriledi. Egistik jerlerdiń qysqy sor shaiý jumystarynyń kóktemge deiin sozylýy, kóktemgi jaýyn-shashynǵa ulasyp, jer astyna sińbei, aýmaqtardan sý tartyp shyǵarý qiyndap, turǵyn úilerdiń aýlalaryn sý basady.
2022 jyly naýryzda 1 ai boiy jaýǵan jańbyr kóptegen turǵyndarymyzǵa qolaisyzdyq týdyrǵan edi. Atalǵan tótenshe jaǵdai oqiǵalary eskerilip, byltyrdan beri Atakent kentinde 4 kóshege jańadan lotoktar salyndy. Aýdan kóleminde 160 shaqyrymǵa jýyq irrigatsiialyq júieler jáne aryq-atyzdardyń arnalary tazalandy. Kentter men eldimekenderdiń ishinde ornalasqan 38 tik drenaj 100% qosylýǵa daiyn tur. Sondai-aq, egistik jerlerde ornalasqan 145 tik drenaj da iske qosylýǵa daiyn. Budan bólek, sý basý jáne sý tasqyny merziminde qajet jaǵdaida shuǵyl jetkiziletin 84 motopompalar saqadai sai.
Aita keteiik, kez kelgen sý tasý jáne avariialyq jaǵdailarǵa qarsy tiisti tehnikalar, qural jabdyqtar men inertti materialdar retke keltirilgen.
