قازٸرگٸ تاڭدا 50 ەلدٸمەكەندە 258 كٶشەنٸڭ بويىنداعى جالپى ۇزىندىعى 21,2 شاقىرىم لوتوكتار, 127 شاقىرىم ارىق-اتىزدار, 32 شاقىرىم قاشىرتقىلار جەنە كٶپٸر استىنداعى قۇبىرلار تازالاندى. سونداي-اق, بۇل جۇمىستار توقتاۋسىز جالعاسۋدا.
جالپى اۋدان اۋماعىندا سۋ تاسقىنىنا الىپ كەلەتٸن ٶزەن, كٶلدەر, سۋ قويمالارى, گيدروتەحنيكالىق قۇرىلىستار جوق. دەگەنمەن, ٶزبەكستان رەسپۋبليكاسى "سىردارييا" اۋماقتىق سۋ شارۋاشىلىعى بٸرلەستٸگٸنٸڭ ەسەبٸندەگٸ "دوستىق" ماگيسترالدى كانالى ارقىلى اۋدانعا اعىن سۋ جەتكٸزٸلەدٸ. قازٸرگٸ تاڭدا كانالدىڭ قاۋٸپتٸ بولاتىن اۆارييالىق ايماقتارى جوق. سوعان قاراماستان, كانالعا باقىلاۋ بەكەتتەرٸ ۇيىمداستىرىلىپ, ديسپەتچەرلٸك كەزەكشٸلٸك قويىلعان.
نەگٸزٸنەن, ماقتاارال اۋدانىندا جىل سايىن اقپان, ناۋرىز ايلارىندا جاۋاتىن نٶسەر جاڭبىر مەن ەگٸستٸك جەرلەردٸ قىسقى سور شايۋ جۇمىستارىن جٷرگٸزۋ سالدارىنان جەراستى سۋلارىنىڭ دەڭگەيٸ كٶتەرٸلەدٸ. ەگٸستٸك جەرلەردٸڭ قىسقى سور شايۋ جۇمىستارىنىڭ كٶكتەمگە دەيٸن سوزىلۋى, كٶكتەمگٸ جاۋىن-شاشىنعا ۇلاسىپ, جەر استىنا سٸڭبەي, اۋماقتاردان سۋ تارتىپ شىعارۋ قيىنداپ, تۇرعىن ٷيلەردٸڭ اۋلالارىن سۋ باسادى.
2022 جىلى ناۋرىزدا 1 اي بويى جاۋعان جاڭبىر كٶپتەگەن تۇرعىندارىمىزعا قولايسىزدىق تۋدىرعان ەدٸ. اتالعان تٶتەنشە جاعداي وقيعالارى ەسكەرٸلٸپ, بىلتىردان بەرٸ اتاكەنت كەنتٸندە 4 كٶشەگە جاڭادان لوتوكتار سالىندى. اۋدان كٶلەمٸندە 160 شاقىرىمعا جۋىق يرريگاتسييالىق جٷيەلەر جەنە ارىق-اتىزداردىڭ ارنالارى تازالاندى. كەنتتەر مەن ەلدٸمەكەندەردٸڭ ٸشٸندە ورنالاسقان 38 تٸك درەناج 100% قوسىلۋعا دايىن تۇر. سونداي-اق, ەگٸستٸك جەرلەردە ورنالاسقان 145 تٸك درەناج دا ٸسكە قوسىلۋعا دايىن. بۇدان بٶلەك, سۋ باسۋ جەنە سۋ تاسقىنى مەرزٸمٸندە قاجەت جاعدايدا شۇعىل جەتكٸزٸلەتٸن 84 موتوپومپالار ساقاداي ساي.
ايتا كەتەيٸك, كەز كەلگەن سۋ تاسۋ جەنە اۆارييالىق جاعدايلارعا قارسى تيٸستٸ تەحنيكالار, قۇرال جابدىقتار مەن ينەرتتٸ ماتەريالدار رەتكە كەلتٸرٸلگەن.
