Túrkistan oblysy Maqtaaral aýdanynda mamyr aıynan bastap sharýalar maqta egý naýqanyna jappaı kirisip ketti. Bıyl maqtaaraldyq sharýalar 35 myń gektar jerge aq altyn shıtin sebedi dep kútilýde. Ol úshin 1 myń tonnaǵa jýyq tuqymdyq shıt daıyndalyp, sortyna qaraı 230-350 teńge aralyǵynda satylýda. Sonymen qatar, Túrkıa men Qytaıdan da tuqymdyq shıt tasymaldanýda.

Kóktemgi dala jumystaryna 954 aýyl sharýashylyǵy traktorlary, 415 chızel, 3876 tyrma, 212 tuqym sepkish tehnıkalary qatysýda. Bıyl sharýalarǵa kómek berý maqsatynda kóktemgi dala jumystaryn júrgizý úshin «Yrys» mıkro qarjy uıymy arqyly jyldyq 6 paıyzben 293 mln. teńgeden asa nesıe berilgen.

Aıta keteıik, ótken jyly aýdanda aýyl sharýashylyǵy ónim kólemi 42 mlrd. teńgege jetken bolatyn. Onyń ishinde ósimdik sharýashylyǵy 32,2 mlrd. teńge, mal sharýashylyǵy 9,6 mlrd. teńge, aýylsharýashylyq qyzmeti 278 mln. teńgeni quraǵan.

Ótken jyly aýdanda 38 myńnan asa gektar jerge maqta daqyly egilip, aýdan boıynsha 96 511 tonna «aq ulpa» qambaǵa jınaldy. Ortasha ónimdilik 25 sentnerge jetip, maqtashylar jyldy tolaǵaı tabyspen aıaqtaǵan.

 

Maqtaaral aýdany ákiminiń baspasóz qyzmeti