Aýdan ákimdikteri tarapynan jóndeýden ótip jatqan aýdandyq mańyzy bar joldar men eldimeken kóshelerin qospaǵanda jalpy uzyndyǵy 70 shaqyrym respýblıkalyq, 59,4 shaqyrym oblystyq mańyzy bar joldar kúrdeli jáne ortasha jóndeýden ótýde.
Onyń ishinde, Jetisaı aýdanynda 11,5 shaqyrymdy quraıtyn oblystyq mańyzy bar KH-117 «Syrabat-Útirtóbe-Kóktóbe» baǵytyndaǵy avtomobıl joly kúrdeli jóndeýden ótip, jyl sońynda tolyq paıdalanýǵa beriledi.
Aǵymdaǵy jyly mamyr aıynyń ekinshi jartysynda uzyndyǵy 19,9 shaqyrymdyq oblystyq mańyzy bar KH-86 «Jetisaı-Maqtaly» baǵytyndaǵy avtomobıl jolyna ortasha jóndeý jumystary bastalatyn bolady. Nysannyń jóndeý jumystary 2021 jylǵa ótpeli.
Qazirgi tańda, Maqtaaral aýdany aýmaǵynda uzyndyǵy 16,4 shaqyrymdyq oblystyq mańyzy bar KH-78 «Atakent-Keńesshil-Esentaev» pen 6,9 shaqyrymdy quraıtyn oblystyq mańyzy bar KH-164 «Úlgili-Taýbaı ata» avtomobıl joldary ortasha jóndeýden ótýde.
Odan bólek, ústimizdegi jyldyń shilde aıynan bastap oblystyq mańyzy bar KH-80 «Yntaly-Fırdoýsı» avtomobıl jolynyń 4,7 shaqyrymyna ortasha jóndeý jumystary bastalady. Jyl sońyna deıin «Úlgili-Taýbaı ata» jáne «Yntaly-Fırdoýsı» avtomobıl joldarynda jumystar tolyq aıaqtalyp, paıdalanýǵa beriledi.
Túrkistan oblysynyń Óńirlik komýnıkasıalar qyzmeti
