اۋدان اكىمدىكتەرى تاراپىنان جوندەۋدەن ءوتىپ جاتقان اۋداندىق ماڭىزى بار جولدار مەن ەلدىمەكەن كوشەلەرىن قوسپاعاندا جالپى ۇزىندىعى 70 شاقىرىم رەسپۋبليكالىق، 59،4 شاقىرىم وبلىستىق ماڭىزى بار جولدار كۇردەلى جانە ورتاشا جوندەۋدەن وتۋدە.
ونىڭ ىشىندە، جەتىساي اۋدانىندا 11،5 شاقىرىمدى قۇرايتىن وبلىستىق ماڭىزى بار كح-117 «سىرابات-ۇتىرتوبە-كوكتوبە» باعىتىنداعى اۆتوموبيل جولى كۇردەلى جوندەۋدەن ءوتىپ، جىل سوڭىندا تولىق پايدالانۋعا بەرىلەدى.
اعىمداعى جىلى مامىر ايىنىڭ ەكىنشى جارتىسىندا ۇزىندىعى 19،9 شاقىرىمدىق وبلىستىق ماڭىزى بار كح-86 «جەتىساي-ماقتالى» باعىتىنداعى اۆتوموبيل جولىنا ورتاشا جوندەۋ جۇمىستارى باستالاتىن بولادى. نىساننىڭ جوندەۋ جۇمىستارى 2021 جىلعا وتپەلى.
قازىرگى تاڭدا، ماقتاارال اۋدانى اۋماعىندا ۇزىندىعى 16،4 شاقىرىمدىق وبلىستىق ماڭىزى بار كح-78 «اتاكەنت-كەڭەسشىل-ەسەنتايەۆ» پەن 6،9 شاقىرىمدى قۇرايتىن وبلىستىق ماڭىزى بار كح-164 «ۇلگىلى-تاۋباي اتا» اۆتوموبيل جولدارى ورتاشا جوندەۋدەن وتۋدە.
ودان بولەك، ۇستىمىزدەگى جىلدىڭ شىلدە ايىنان باستاپ وبلىستىق ماڭىزى بار كح-80 «ىنتالى-فيردوۋسي» اۆتوموبيل جولىنىڭ 4،7 شاقىرىمىنا ورتاشا جوندەۋ جۇمىستارى باستالادى. جىل سوڭىنا دەيىن «ۇلگىلى-تاۋباي اتا» جانە «ىنتالى-فيردوۋسي» اۆتوموبيل جولدارىندا جۇمىستار تولىق اياقتالىپ، پايدالانۋعا بەرىلەدى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
