– Búgin shyn júrekpen qýanyp otyrmyn. Aýyldan shyqqan balalar oblystyq deńgeıdegi komandalardy jeńip, chempıon atanyp otyr. Bul bizdiń aýdanymyzda elimizdiń namysyn qorǵaı alatyn, bolashaǵy myqty fýtbol klýbtarynda oıyn kórsetetin jas urpaqtyń ósip kele jatqandyǵyn kórsetedi. Sizderdiń jeńisterińiz kıeli Maqtaaral aýdanynyń 90 jyldyq mereı toıyna zor tartý bolyp otyr. Osy qarqyndaryńyzdan taımańyzdar! – dedi Baqyt Násirhanuly.
Júrek jardy tilegin arnaǵan aýdan ákimi B.Asanov eń úzdik jartylaı qorǵaýshy atanǵan Danıal Túlendıev pen 14 gol salyp eń úzdik oıynshy atanǵan Maǵjan Temirálige óz rızashylyǵyn bildirdi. Sondaı-aq, komandalyq oıynda úzdik nátıjege qol jetkizgenderi úshin «Maqtaaral» komandasynyń árbir oıynshysyn marapattap, komandanyń treınerine alǵys hat tabystady.
Chempıondyq kýbokty qoldaryna alǵan komanda oıynshylary aýdan basshysyna fýtbolǵa degen qoldaýy úshin alǵystaryn aıtyp, aýdan fýtbolyn budan da bıik deńgeıge jetkizý jaıynda usynystaryn jetkizdi.
Maqtaaral aýdany ákiminiń baspasóz qyzmeti
