– بۇگىن شىن جۇرەكپەن قۋانىپ وتىرمىن. اۋىلدان شىققان بالالار وبلىستىق دەڭگەيدەگى كوماندالاردى جەڭىپ، چەمپيون اتانىپ وتىر. بۇل ءبىزدىڭ اۋدانىمىزدا ەلىمىزدىڭ نامىسىن قورعاي الاتىن، بولاشاعى مىقتى فۋتبول كلۋبتارىندا ويىن كورسەتەتىن جاس ۇرپاقتىڭ ءوسىپ كەلە جاتقاندىعىن كورسەتەدى. سىزدەردىڭ جەڭىستەرىڭىز كيەلى ماقتاارال اۋدانىنىڭ 90 جىلدىق مەرەي تويىنا زور تارتۋ بولىپ وتىر. وسى قارقىندارىڭىزدان تايماڭىزدار! – دەدى باقىت ءناسىرحان ۇلى.
جۇرەك جاردى تىلەگىن ارناعان اۋدان اكىمى ب.اسانوۆ ەڭ ۇزدىك جارتىلاي قورعاۋشى اتانعان دانيال تۇلەندييەۆ پەن 14 گول سالىپ ەڭ ۇزدىك ويىنشى اتانعان ماعجان تەمىرالىگە ءوز ريزاشىلىعىن ءبىلدىردى. سونداي-اق، كوماندالىق ويىندا ۇزدىك ناتيجەگە قول جەتكىزگەندەرى ءۇشىن «ماقتاارال» كومانداسىنىڭ ءاربىر ويىنشىسىن ماراپاتتاپ، كوماندانىڭ ترەينەرىنە العىس حات تابىستادى.
چەمپيوندىق كۋبوكتى قولدارىنا العان كوماندا ويىنشىلارى اۋدان باسشىسىنا فۋتبولعا دەگەن قولداۋى ءۇشىن العىستارىن ايتىپ، اۋدان فۋتبولىن بۇدان دا بيىك دەڭگەيگە جەتكىزۋ جايىندا ۇسىنىستارىن جەتكىزدى.
ماقتاارال اۋدانى اكىمىنىڭ باسپا ءسوز قىزمەتى
