Oıyn bastalysymen, maqtaaraldyqtardyń alǵashqy shabýyly nátıjeli aıaqtaldy. Esep 1:0.
Arada on mınýttaı ýaqyt óte, qyzylordalyq jigitter qarsy shabýyl uıymdastyryp, esepti teńestirdi. 1:1.
Birinshi taımnyń sońynda, «Baıqońyr» komandasynyń qaqpasy aldynda qarbalas sátte, qyzylordalyq oıynshy óz qaqpasyna dop soqty. Avtogol.
Birinshi taım 2:1, maqtaaraldyqtardyń paıdasynda.
Ekinshi taım bastalysymen, maqtaaraldyqtar úzdiksiz shabýylynyń biri nátıjeli aıaqtaldy. Esep 3:1.
Oıyn sońynda maqtaaraldyq qaqpashy qarsylastyń shabýylshysymen dopqa talas kezinde oıyn erejesin buzyp, tóreshi 11-metrlik aıyp dobyn taǵaıyndady.
Aıyp dobyn sátti oryndaǵan qyzylordalyqtar esepti bir dopqa qysqartty. Sońǵy mınýtqa deıin tartysty ótken oıyn 3:2 esebimen, «Maqtaaral» komandasynyń paıdasyna sheshildi.
Aıta keteıik, 4 – qarasha kúni «Maqtaaral» óz alańynda Almatynyń «Qaırat akademıa» komandasyn qabyldap, 2018 jyldyń fýtbol maýsymyn aıaqtaıdy.
Maqtaaral aýdany ákiminiń baspasóz qyzmeti
