ويىن باستالىسىمەن، ماقتاارالدىقتاردىڭ العاشقى شابۋىلى ناتيجەلى اياقتالدى. ەسەپ 1:0.
ارادا ون مينۋتتاي ۋاقىت وتە، قىزىلوردالىق جىگىتتەر قارسى شابۋىل ۇيىمداستىرىپ، ەسەپتى تەڭەستىردى. 1:1.
ءبىرىنشى تايمنىڭ سوڭىندا، «بايقوڭىر» كومانداسىنىڭ قاقپاسى الدىندا قاربالاس ساتتە، قىزىلوردالىق ويىنشى ءوز قاقپاسىنا دوپ سوقتى. اۆتوگول.
ءبىرىنشى تايم 2:1، ماقتاارالدىقتاردىڭ پايداسىندا.
ەكىنشى تايم باستالىسىمەن، ماقتاارالدىقتار ۇزدىكسىز شابۋىلىنىڭ ءبىرى ناتيجەلى اياقتالدى. ەسەپ 3:1.
ويىن سوڭىندا ماقتاارالدىق قاقپاشى قارسىلاستىڭ شابۋىلشىسىمەن دوپقا تالاس كەزىندە ويىن ەرەجەسىن بۇزىپ، تورەشى 11-مەترلىك ايىپ دوبىن تاعايىندادى.
ايىپ دوبىن ءساتتى ورىنداعان قىزىلوردالىقتار ەسەپتى ءبىر دوپقا قىسقارتتى. سوڭعى مينۋتقا دەيىن تارتىستى وتكەن ويىن 3:2 ەسەبىمەن، «ماقتاارال» كومانداسىنىڭ پايداسىنا شەشىلدى.
ايتا كەتەيىك، 4 – قاراشا كۇنى «ماقتاارال» ءوز الاڭىندا الماتىنىڭ «قايرات اكادەميا» كومانداسىن قابىلداپ، 2018 جىلدىڭ فۋتبول ماۋسىمىن اياقتايدى.
ماقتاارال اۋدانى اكىمىنىڭ باسپا ءسوز قىزمەتى
