Túrkistan oblysy, Maqtaaral aýdanynda 2023 jyldyń kóktem mezgilinde 8 myńǵa jýyq kóshet egiledi dep josparlanyp otyr, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Bul aýdanda 2022 jyldyń kúz mezgilinde 10522 dana aǵash egildi. Onyń ishinde «Shardara orman» KMM-nen 500 dana úıeńki (klen) jáne 465 dana qaraǵash kóshetteri otyrǵyzyldy.

Sonymen qatar Qazyǵurt aýdanynda ornalasqan «Jasyl jelek» KMM-nen 5512 dana aǵash kósheti ákelindi.

Atap aıtsaq, 1400 dana aılant, 465 dana qaraǵash, 2265 dana úıeńki, 1182 dana ıasen, 100 dana Sırıa raýshany, 50 dana týıa jáne 50 dana arsha ákelindi.

1575 dana kóshet Shymkent qalasynda ornalasqan «Badam orman» KMM-nen jetkizilgen. Sonyń ishinde arsha 125 dana, týıa 100 dana, tut 1300 dana, legýstra 50 dana egildi.

Qalǵan 2470 dana aǵash kósheti aýdan aýmaǵynda ornalasqan saıabaqtan alynyp, 2 kent, 9 aýyldyq okrýg ákimshiliginiń ortalyq kóshelerine egildi.