Kún tártibinde Maqtaaral aýdanynyń 2018 jyldyń 10 aiyndaǵy áleýmettik-ekonomikalyq damý qorytyndysy jáne 2016-2020 jyldarǵa arnalǵan Damý baǵdarlamasy indikatorlarynyń oryndalýy, aýyl sharýashylyǵy máseleleri, jylytý maýsymynyń iske asyrylý barysy jáne eldi mekenderdiń aýyz sý, elektr qýaty jáne tabiǵi gazben qamtylý jaǵdaiy týraly máseleler qaraldy.
Jiyn barysynda aýdandyq ekonomika jáne qarjy bóliminiń basshysy A.Tasov, aýdandyq aýyl sharýashylyq bóliminiń basshysy Ý.Myrzamdamov, aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń basshysy Ǵ.Polatov óz salalary boiynsha baiandama jasady.
Jarys sózge shyqqan aýdan ákimi apparaty uiymdastyrý-inspektorlyq bóliminiń basshysy M.Sársenov kún tártibindegi úshinshi jáne tórtinshi máselelerge bólim tarapynan jasalǵan zerdeleý jumystarynyń nátijesin jariialady. Atap aitqanda, jylytý maýsymynyń iske asyrylýyndaǵy keibir olqylyqtar men turǵyndardy aýyz sýmen qamtýdaǵy sanitarlyq tazalyqtyń tómendigin foto sýretter arqyly kórsetip berdi.
Jiyndy qorytyndylaǵan aýdan ákimi B.Asanov indikatorlardyń oryndalýy boiynsha tómen nátije kórsetken bólim basshylary men aýlydyq okrýg ákimderine tártiptik shara kórý týraly usynys daiyndaýǵa tapsyrma berdi. Sondai-aq, óńir basshysy jiynda aitylǵan kemshilikter boiynsha jaýapty mekeme basshylaryn suraqtyń astyna alyp, kemshilikterdi tez arada túzetý úshin naqty jumystar kórsetý kerektigin eskertti.
Maqtaaral aýdany ákiminiń baspasóz qyzmeti
