كۇن تارتىبىندە ماقتاارال اۋدانىنىڭ 2018 جىلدىڭ 10 ايىنداعى الەۋمەتتىك-ەكونوميكالىق دامۋ قورىتىندىسى جانە 2016-2020 جىلدارعا ارنالعان دامۋ باعدارلاماسى ينديكاتورلارىنىڭ ورىندالۋى، اۋىل شارۋاشىلىعى ماسەلەلەرى، جىلىتۋ ماۋسىمىنىڭ ىسكە اسىرىلۋ بارىسى جانە ەلدى مەكەندەردىڭ اۋىز سۋ، ەلەكتر قۋاتى جانە تابيعي گازبەن قامتىلۋ جاعدايى تۋرالى ماسەلەلەر قارالدى.
جيىن بارىسىندا اۋداندىق ەكونوميكا جانە قارجى ءبولىمىنىڭ باسشىسى ا.تاسوۆ، اۋداندىق اۋىل شارۋاشىلىق ءبولىمىنىڭ باسشىسى ۋ.مىرزامداموۆ، اۋداندىق تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى ع.پولاتوۆ ءوز سالالارى بويىنشا بايانداما جاسادى.
جارىس سوزگە شىققان اۋدان اكىمى اپپاراتى ۇيىمداستىرۋ-ينسپەكتورلىق ءبولىمىنىڭ باسشىسى م.سارسەنوۆ كۇن تارتىبىندەگى ءۇشىنشى جانە ءتورتىنشى ماسەلەلەرگە ءبولىم تاراپىنان جاسالعان زەردەلەۋ جۇمىستارىنىڭ ناتيجەسىن جاريالادى. اتاپ ايتقاندا، جىلىتۋ ماۋسىمىنىڭ ىسكە اسىرىلۋىنداعى كەيبىر ولقىلىقتار مەن تۇرعىنداردى اۋىز سۋمەن قامتۋداعى سانيتارلىق تازالىقتىڭ تومەندىگىن فوتو سۋرەتتەر ارقىلى كورسەتىپ بەردى.
جيىندى قورىتىندىلاعان اۋدان اكىمى ب.اسانوۆ ينديكاتورلاردىڭ ورىندالۋى بويىنشا تومەن ناتيجە كورسەتكەن ءبولىم باسشىلارى مەن اۋلىدىق وكرۋگ اكىمدەرىنە تارتىپتىك شارا كورۋ تۋرالى ۇسىنىس دايىنداۋعا تاپسىرما بەردى. سونداي-اق، ءوڭىر باسشىسى جيىندا ايتىلعان كەمشىلىكتەر بويىنشا جاۋاپتى مەكەمە باسشىلارىن سۇراقتىڭ استىنا الىپ، كەمشىلىكتەردى تەز ارادا تۇزەتۋ ءۇشىن ناقتى جۇمىستار كورسەتۋ كەرەكتىگىن ەسكەرتتى.
ماقتاارال اۋدانى اكىمىنىڭ باسپا ءسوز قىزمەتى
