AQSh prezidenti retinde sailanǵan Donald Tramptyń basty saiasattarynyń biri migranttarmen kúres ekeni belgili. Bul baǵytta endi ne ózgermek?
Jeńiske jetken respýblikashyl Donald Tramp NBC News-ke bergen alǵashqy suhbatynda qyzmetke kirisken soń basty maqsattarynyń biri shekarany kúsheitý bolatynyn málimdedi. Jappai deportatsiia týraly sailaýaldy ýádesine qatysty Tramp óziniń ákimshiliginiń bul sharany júzege asyrýdan basqa amaly joq ekenin jetkizdi. Bul týraly "Azattyq" jazdy, - dep habarlaidy Dalanews.kz.
Buǵan deiin CNN aqparat kózderi Tramptyń odaqtastary men jeke sektor ókilderi migratsiialyq saiasattaǵy ózgeristerge jasyryn daiyndyq júrgizip jatqanyn habarlaǵan bolatyn.
Telearnanyń derekkózi usynǵan aqparatqa súiensek, Tramp komandasyndaǵy alǵashqy talqylaýlar qylmys jasaǵan zańsyz immigranttardy elden shyǵarý máselesine baǵyttalǵan. Basty suraq: bala kezderinde AQSh-qa ákelingen immigranttardy deportatsiialaý qajet pe, joq pa degen másele.
The Wall Street Journal baǵalaýy boiynsha, deportatsiia barlyǵy 20 million migrantqa áser etýi múmkin.
Tramptyń aitýynsha, onyń kóshi-qon máselesi boiynsha ustanymy sátti boldy, óitkeni "halyq elge zańǵa baǵynatyn azamattar kelgenin qalaidy".
Aita keteiik, qoldanystaǵy erejelerge sáikes AQSh prezidenti retinde Tramp óz mindetterin 2025 jylǵy 20 qańtarda bastaidy.
Sol kúni saltanatty ant berý rásimin qamtityn AQSh Prezidentiniń inaýgýratsiiasy ótedi. Dástúr boiynsha bul qoǵamdyq is-shara Vashingtonda ótedi, bul kezde jańa prezident sóz sóileidi. Inaýgýratsiiaǵa orai saltanatty sherý men bal uiymdastyrylady.
Eske salaiyq, buǵan deiin L.N. Gýmilev atyndaǵy Eýraziia ulttyq ýniversiteti Saiasattaný kafedrasynyń meńgerýshisi m.a. Janat Momynqulov Dalanews.kz-ke suhbat berip, sailaý nátijeleri týraly boljam jasady.
"Tramp álemdik saiasatta oiyp turyp oryn alady. Onyń ústine qazirgidei daǵdarys, soǵys jaǵdaiynda onyń is-qimyly - bári óte mańyzdy. Biraq Harris qalǵan jaǵdaida Amerikanyń osy saiasaty jalǵasa beredi. Qytaiǵa, Reseige, Iranǵa qatysty shekteý, tejeý saiasaty júredi.
Meniń oiymsha, Harristiń jeńisine qýanamyz. Al Tramp keletin bolsa, Reseimen qarym-qatynasyndaǵy ózgerister Ortalyq Aziiaǵa, bizge salqyn áser etedi. Bári ainalyp kelgende halyqaralyq júiege áser etedi. Biz boljap bolmaityn oqiǵalar bastalyp ketýi múmkin. Harris Ortalyq Aziiaǵa jańa bir kózqaras tanytýy múmkin, ol - Aq úidiń mańyndaǵy biýrokrattardyń ókili, turaqtylyqtyń "garantiiasy". Al Tramp kelse, Ýkrainadaǵy jaǵdai uzaqqa sozylatyn daýǵa ainalýy múmkin. Sondyqtan, meniń oiymsha, Harristiń kelgeni Qazaqstanǵa tiimdi. Ortalyq Aziiaǵa tikelei áseri bolmasa da, sheshimderi arqyly ainalyp kelgende áseri bolady", - dedi ol.
