Ál-Farabi atyndaǵy Qazaq ulttyq ýniversiteti bitirýshi túlekterge oqý ornyna tiesili mantiialardy jalǵa alýǵa májbúrlegen, dep habarlaidy Dalanews.kz.
Túlekterdiń aitýynsha, olar mantiiany aldyn ala ózderi tańdap qoiǵanymen, ýniversitet tek óz tarapynan usynylatyn mantiiany kiiýdi talap etken. Onyń ústine, bul mantiialar tegin emes – jaldaý quny 2000 teńgeni quraidy.
Jelide taraǵan aqparatqa qatysty ýniversitettiń baspasóz qyzmeti Stan.kz agenttigine pikir bildirdi.
"Ýniversitet jyl saiyn túlekterge arnalǵan akademiialyq mantiialardy taratady. Biyl jańa mantiialar alyndy, olardyń jaldaý quny – 2000 teńge. Mantiiany jalǵa berýden túsken qarajat olardyń himiialyq tazalaýyna jáne útiktelýine jumsalady. Sonymen qatar túlekter mantiiany basqa jerden tańdap, jalǵa alýǵa quqyly”, – delingen habarlamada.
