ءال-فارابي اتىنداعى قازاق ۇلتتىق ۋنيۆەرسيتەتى ءبىتىرۋشى تۇلەكتەرگە وقۋ ورنىنا تيەسىلى مانتيالاردى جالعا الۋعا ماجبۇرلەگەن، دەپ حابارلايدى Dalanews.kz.
تۇلەكتەردىڭ ايتۋىنشا، ولار مانتيانى الدىن الا وزدەرى تاڭداپ قويعانىمەن، ۋنيۆەرسيتەت تەك ءوز تاراپىنان ۇسىنىلاتىن مانتيانى كيۋدى تالاپ ەتكەن. ونىڭ ۇستىنە، بۇل مانتيالار تەگىن ەمەس – جالداۋ قۇنى 2000 تەڭگەنى قۇرايدى.
جەلىدە تاراعان اقپاراتقا قاتىستى ۋنيۆەرسيتەتتىڭ باسپا ءسوز قىزمەتى Stan.kz اگەنتتىگىنە پىكىر ءبىلدىردى.
"ۋنيۆەرسيتەت جىل سايىن تۇلەكتەرگە ارنالعان اكادەميالىق مانتيالاردى تاراتادى. بيىل جاڭا مانتيالار الىندى، ولاردىڭ جالداۋ قۇنى – 2000 تەڭگە. مانتيانى جالعا بەرۋدەن تۇسكەن قاراجات ولاردىڭ حيميالىق تازالاۋىنا جانە ۇتىكتەلۋىنە جۇمسالادى. سونىمەن قاتار تۇلەكتەر مانتيانى باسقا جەردەن تاڭداپ، جالعا الۋعا قۇقىلى”، – دەلىنگەن حابارلامادا.
