Mańǵystaýda qaza tapqan áskerilerdiń sany 12-ge jetti, dep habarlaidy dalanews.kz.
Buǵan deiin Qorǵanys ministrligi 24 qyrkúiekte Mańǵystaý oblysynda Qazaqstan Qarýly kúshteri Áskeri-teńiz kúshteriniń oqý-jattyǵýy kezinde qaiǵyly jaǵdai bolǵanyn habarlaǵan.
Aldyn ala málimet boiynsha, aýa raiynyń kúrt nasharlap, jeldiń kúsheiýi saldarynan 19 áskeri qyzmetshini teńiz alyp ketken. Olardyń toǵyzy qaza tapqan. Úsh áskeri qyzmetshi qutqarylyp, bireýi aýrýhanaǵa jatqyzylǵan. Qalǵandaryn izdestirý jumystary júrgizilgen.
Oqiǵa boiynsha qylmystyq is te qozǵalyp, tergeý bastaldy. Jedel-tergeý toby qurylyp, oqiǵa ornynda Ishki ister ministrliginiń, Tótenshe jaǵdailar ministrliginiń jáne prokýratýra organdarynyń qyzmetkerleri jumys istep jatyr.
Tergeý barysynda oqiǵanyń barlyq mán-jaiyn anyqtaýǵa baǵyttalǵan qajetti is-sharalar júrgizilip, sot saraptamalary taǵaiyndalǵan. Tergeý barysy erekshe baqylaýǵa alynǵan.
Artynsha Mańǵystaý oblysynda áskeri oqý-jattyǵý kezinde áskeri qyzmetshilerdiń qaza bolý sebepterin anyqtaý úshin úkimettik komissiia quryldy.
