Mańǵystaý oblysynda bir top jasóspirim kámeletke tolmaǵan qyzdy aiaýsyz soqqyǵa jyqqan, dep habarlaidy dalanews.kz.
Oqiǵanyń videosy áleýmettik jelide tarady. Kadrlardan birneshe qyzdyń qatarlasyn qorshap alyp, uryp-soqqanyn kórýge bolady.
Politsiia janjalǵa qatysqan jasóspirimderdiń barlyǵyn anyqtap, ata-analarymen birge bólimshege jetkizdi. Olardan túsinikteme alynyp, profilaktikalyq áńgime júrgizildi.
Quqyq qorǵaý organdarynyń málimetinshe, oqiǵanyń mán-jaiy jan-jaqty tekserilip, qajetti materialdar jinalǵan.
"Kámeletke tolmaǵandardyń ata-analary balalaryn tárbieleý jáne oqytý jónindegi mindetterin tiisinshe oryndamaǵany úshin jaýapkershilikke tartyldy. Is materialdary sotqa, sondai-aq tiisti sharalar qabyldaý úshin Kámeletke tolmaǵandardyń isteri jónindegi komissiiaǵa joldandy", - dep habarlady politsiia.
Tóbeleske qatysqan jasóspirim qyzdardyń barlyǵy profilaktikalyq esepke qoiyldy.
