QR Premer-Mınıstri Asqar Mamın ótken aıda Mańǵystaý oblysyna jasaǵan saparynda fermerlik sharýashylyqtarǵa qoljetimdi baǵamen  shópti satyp alý jáne jetkizý úshin turaqtandyrý qoryn qalyptastyrýǵa, sondaı-aq «Azyq-túlik kelisimshart korporasıasy» UK» AQ  jem-shóp (kebek) satyp alýǵa qosymsha qajetti qarajat bólinetinin aıtqan bolatyn, – dep habarlaıdy Dalanews.kz Mańǵystaý oblysy ákiminiń baspasóz qyzmetine silteme jasap.

Úkimet basshysynyń tapsyrmasymen qazynadan 5,3 mlrd teńge bólindi. Onyń 1,9 mlrd teńgesi shóp, al qalǵan 3,4 mlrd qarjy jem satyp alýǵa jumsalmaq.

Osylaısha óńirde qysqy mal azyǵynyń qoryn qalyptastyrý josparlanyp otyr. Qazir qajetti jem alý úshin «Azyq-túlik kelisimshart korporasıasy» UK» AQ  men «Kaspıı» ÁKK arasynda kelisim jasalýda. Sonymen qatar ár aýdannan operatorlar anyqtalyp, elimizdiń ózge óńirlerinen shóp tasýǵa daıyndyq júrip jatyr.

Dál qazir jaz bitip kúz bastalýǵa aınaldy. Bizdiń ebedeısiz kompanıalar ábjil áreketke kóship, qajetti kelisimderin jasaǵansha talaı ýaqyt ótip, qys ta kelip esik qaǵýy múmkin.