ۇكىمەت باسشىسىنىڭ تاپسىرماسىمەن قازىنادان 5،3 ملرد تەڭگە ءبولىندى. ونىڭ 1،9 ملرد تەڭگەسى ءشوپ، ال قالعان 3،4 ملرد قارجى جەم ساتىپ الۋعا جۇمسالماق.
وسىلايشا وڭىردە قىسقى مال ازىعىنىڭ قورىن قالىپتاستىرۋ جوسپارلانىپ وتىر. ءقازىر قاجەتتى جەم الۋ ءۇشىن «ازىق-تۇلىك كەلىسىمشارت كورپوراسياسى» ۇك» اق مەن «كاسپيي» اكك اراسىندا كەلىسىم جاسالۋدا. سونىمەن قاتار ءار اۋداننان وپەراتورلار انىقتالىپ، ەلىمىزدىڭ وزگە وڭىرلەرىنەن ءشوپ تاسۋعا دايىندىق ءجۇرىپ جاتىر.
ءدال ءقازىر جاز ءبىتىپ كۇز باستالۋعا اينالدى. ءبىزدىڭ ەبەدەيسىز كومپانيالار ءابجىل ارەكەتكە كوشىپ، قاجەتتى كەلىسىمدەرىن جاساعانشا تالاي ۋاقىت ءوتىپ، قىس تا كەلىپ ەسىك قاعۋى مۇمكىن.
