Spikerdiń aitýynsha, jyl basynan beri aimaq basshysy Nurlan Noǵaev eldi-mekenderge barǵan jumys saparynda aýyl jastarymen erkin formatta kezdesip, máseleleri men usynystaryn tyńdap, jastar resýrstyq ortalyqtarynyń qyzmetimen tanysqan. Nátijesinde, óńirdegi jastar resýrstyq ortalyqtarynda qarjylandyrý kólemin arttyrý týraly tapsyrma berip, biýdjettiń kólemi artty.
Biyl jastar basqarmasymen úkimettik emes uiymdarǵa 5 taqyryp boiynsha memlekettik grant usynyldy. Bul úshin Mańǵystaýdyń yntaly jastaryn jan-jaqty damytý maqsatynda biýdjetten 75 million teńge bólindi. Memlekettik grant aiasynda 200-ge jýyq is-shara uiymdastyrylady. Grant iegeri atanǵan úkimettik emes uiymdar jastardy kásipkerlikke baýlýmen, Mańǵystaý jastaryna ortaq aqparattyq alań qurýmen, jumyssyz jastarmen jumys júrgizýmen, jastar teatrynyń jumysyn úilestirýmen, sonymen qatar, jastardyń tájiribe almasýyn uiymdastyrýmen ainalysady. Jastarmen jumys júrgizý Mańǵystaý oblysynyń ákimdiginiń negizgi basym baǵyty bolyp otyr. Aita ketý kerek, bundai qoldaý - mańǵystaýlyq jastar úshin úlken múmkindik.
– «Bolashaqqa senimmen» jastar lagerin, aýyl jastaryna arnalǵan «Aýyl keshi» mádeni jobasyn, oblystyq áleýmettik ideialar baiqaýyn, óńirlik debat týrnirin, oblystyq startaptar baiqaýyn jáne birqatar ziiatkerlik, aǵartýshylyq jáne qoǵamdyq-mádeni jobalardy júzege asyrmaq. Budan bólek, jastardyń bastamalaryna qoldaý kórsetý maqsatynda 40 shaǵyn grant beriledi. Sáikesinshe, biyl óńirdegi jumysshy jastar, stýdentter, jas kóshbasshylar, jas talanttarǵa qoldaý kórsetý maqsatynda aýqymdy jobalar júzege asyrylady, – dedi Abylai Fazylbek.
– Jastar basqarmasynyń aldynda óńirdegi jastar arasyndaǵy máselelerdi egjeili-tegjeili zertteý, jastar qajettiligin anyqtaý, jastar resýrstyq ortalyqtary qyzmetiniń tiimdiligin arttyrý jáne óńir jastarynyń áleýetin kóterý mindeti qoiyldy. Atalǵan mindetterdi oryndaý maqsatynda Mańǵystaý oblysyndaǵy jastar saiasatyn damytýdyń 2022-2023 jylǵa arnalǵan keshendi jumys jospary jasaqtalýda, – dedi Abylai Fazylbek.
Al jastar resýrstyq ortalyǵy basshysynyń orynbasary Muqash Oralbai jobalarǵa toqtalyp ótti.
Biyl óńirdegi jastar uiymdarynyń qyzmetin jetildirý, NEET sanatyndaǵy jastarmen keshendi jumys júrgizý jáne jastardyń bastamalaryna jan-jaqty qoldaý kórsetý boiynsha jumystarǵa da basymdyq berilmek.
– Osy maqsatta oblystaǵy NEET sanatyna jatatyn jastardyń naqty sanyn anyqtaý júrgizilýde jáne biryńǵai derekqory jasaqtalýda. Qazirgi tańda qolda bar málimetke sáikes, NEET sanatyna jatatyn 10000-ǵa jýyq jas bar. Sonymen qatar, olarǵa arnalǵan qoǵamdyq-mádeni, sporttyq, aǵartýshylyq baǵytyndaǵy is-sharalardy uiymdastyrý josparlanǵan. Is-sharalardyń baǵytyna sáikes toptyq nemese adrestik jumys júrgiziledi, – dedi Abylai Fazylbek.
