Mańǵystaý oblysynyń ákimi Nurdáýlet Qilybai iri munai kompaniialarymen jergilikti taýar óndirýshilerdi qoldaý boiynsha ózara yntymaqtastyq týraly memorandýmǵa qol qoidy, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.
Kelisimshart Mańǵystaýda óndiriletin mal sharýashylyǵy, kókónister ósirý isin damytý boiynsha belsendi jumys júrgizýdi kózdeidi. Maqsat – jergilikti taýar óndirýshilerdi qoldaý jáne daiyn aýyl sharýashylyǵy ónimderin ótkizýge kómektesý.
Jergilikti taýar óndirýshilerdi qoldaýǵa baǵyttalǵan qujatty ekinshi jaqtan «QazMunaiGaz» UK AQ basqarma tóraǵasynyń birinshi orynbasary, «QazMunaiGaz» UK AQ Aqtaý qalasyndaǵy Ókildiginiń direktory Qurmanǵazy Orynǵazyuly Esqaziev, «Mańǵystaýmunaigaz» AQ bas direktory Murat Mustafaev jáne «Qarajanbasmunai» AQ bas direktorynyń orynbasary Rinat Qarajanov bekitti. Úsh kompaniiada jumys isteitin 37 myńnan asa adam aldaǵy ýaqytta Mańǵystaýda óndiriletin mal sharýashylyǵy ónimderi men kókónisterdi jergilikti sharýalardan satyp alatyn bolady.
– Iri kompaniialardy óńirimizdiń damýyna, órkendep, ósýine yqpal etýge shaqyramyn. Otandyq ónimdi satyp alý úshin ereje ózgertý qajet bolsa ózgerteiik. Kelisim eki jaqqa da tiimdi bolady dep senemin. Bizdiń taýar óndirýshiler úshin turaqty túrdei ónimderin ótkizip otyrý óte mańyzdy, al kompaniia qyzmetkerlerine sapaly jergilikti ónim qoljetimdi bolady, – dedi oblys ákimi Nurdáýlet Qilybai.
