Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Mańǵystaýda sýmen jabdyqtaý júieleri kezeń-kezeńimen jańǵyrtylady

Dalanews
Mańǵystaýda sýmen jabdyqtaý júieleri kezeń-kezeńimen jańǵyrtylady
Memleket basshysynyń tapsyrmasyna sáikes Mańǵystaýda sý tushytý, bý-gazdy qondyrǵylary men týrboagregattar siiaqty jabdyqtardy salý jáne jańǵyrtý boiynsha negizgi alty jobany iske asyrýdy kózdeitin "MAEK" kásipornyn jańǵyrtý baǵdarlamasy ázirlendi. Bul týraly Ortalyq kommýnikatsiialar qyzmetinde ótken brifingte Mańǵystaý oblysynyń ákimi Nurlan Noǵaev aitty.

Mańǵystaý oblysy halqynyń qarqyndy ósimi men ekonomikalyq damýy aiasynda  máselelerdiń biri – kommýnaldyq infraqurylymdy jańartý jáne onyń qýatyn arttyrý. Bul strategiialyq bastamalar tirshilikti qamtamasyz etý, injenerlik jeliler men sýmen jabdyqtaý júiesin jańǵyrtýǵa baǵyttalǵan. Nazar aýdarýdy talap etetin negizgi faktorlardyń biri - «MAEK» kásiporny.  Keshenniń energetikalyq jabdyqtarynyń  tozý deńgeii 81%-dy quraidy.

– Osyǵan bailanysty Memleket basshysynyń tapsyrmasy boiynsha sý tushytý, bý-gaz qondyrǵylary jáne týrboagregattar siiaqty jabdyqtardy salý jáne jańǵyrtý boiynsha birneshe negizgi jobalardy iske asyrýdy kózdeitin kásiporyndy jańǵyrtý baǵdarlamasy ázirlendi. Aǵymdaǵy jyly kásiporynnyń óz qarajaty esebinen týrboagregattarǵa, qazandyq agregattaryna jáne qosalqy jabdyqtarǵa kúrdeli jóndeý júrgizilýde. Mańǵystaý oblysy ákimdiginiń rezervinen tozyǵy jetken jabdyqty aýystyrýǵa 2,6 mlrd teńge bólindi. Premer-Ministrdiń tapsyrmasy boiynsha jańa jabdyqtar men jiyndyqtardy satyp alýǵa QR Úkimetiniń rezervinen taǵy 4,9 mlrd teńge bólindi, – dep habarlady óńir basshysy


Sonymen qatar, Aqtaý qalasyndaǵy ózekti máselelerdiń biri – injenerlik jelilerdi qaita jańartý. Halyqty sapaly kommýnaldyq qyzmettermen qamtamasyz etý maqsatynda 2026 jylǵa deiin Aqtaý qalasynyń 25 shaǵyn aýdanyn 5 aimaqqa bólip, jalpy uzyndyǵy 919 shaqyrymdy quraityn injenerlik jelilerdi (sý, káriz, jylý) jańǵyrtý josparlandy.

– Búgingi kúni 1-kezeń boiynsha – jalpy somasy 20,4 mlrd teńge qarjyny quraityn 19 joba ázirlendi (Sý boiynsha- 6 joba, káriz boiynsha – 6 joba, káriz tazartý stantsiialary – 6, Jylý – 1 joba). Biyl Aqtaý qalasynyń 3a, 3b jáne 1-shaǵynaýdandarynda jylý jelilerin qaita jańartý jumystary júrgizilýde (jalpy uzyndyǵy 10,2 km). Ol úshin respýblikalyq biýdjetten 3,3 mlrd teńge bólindi (jobanyń jalpy quny 11,5 mlrd.teńge). Sonymen qatar, Aqtaý qalasynyń 31a shaǵyn aýdanynda jylý jelilerin jańartý jumystary bastaldy (uzyndyǵy – 0,7 shaqyrym, merdigerlik uiym – «Teploenergostroi» JShS, jobanyń quny – 240,0 mln.teńge). Respýblikalyq biýdjetten 199 mln. teńge bólindi. Bul nysan biyl  jeltoqsanda aiaqtalady dep kútilýde, – dedi OKQ brifinginde Nurlan Noǵaev.

Qalǵan shaǵyn aýdandardy jańartý boiynsha jumystar kezeń-kezeńimeniske asyrylady. Infraqurylymdy jańartýdyń mańyzdy aspektisi retinde aimaqty aýyz sýmen tolyq qamtamasyz etý mańyzy airyqsha. Jaz maýsymynda oblysta  sý tapshylyǵy táýligine 77,2 myń tekshe metr sýdy quraidy. Jyl saiyn sýǵa suranystyń ósimin eskere otyryp, 2025 jylǵa qarai jalpy qýattylyǵy táýligine 136 myń tekshe metr sýdy tushytatyn  alty jobany iske asyrý josparlanýda.

Sonymen qatar,  óńirdiń ár tusynda jańa tuzsyzdandyrý zaýyttarynyń qurylysy belsendi júrgizilýde, atalǵan jobalar sý tapshylyǵyn joiýǵa yqpaldasady.«Kaspii» sý  tushytý zaýyty qýatyn táýligine  40 myń tekshe metrge jetkizýdiń 2-kezeńi boiynsha jumys jalǵasýda. 2022 jyldyń jazǵy kezeńinde táýligine 5 myń tekshe metr sýdy  tushytatyn qondyrǵy paidalanýǵa berildi. 2024 jyldyń sáýirine deiin bul jumystardy tolyq aiaqtaý josparlanýda.


Sonymen qatar, Aqtaý qalasynda investordyń jeke qarajaty esebinen qýaty táýligine 20 000 tekshe metr sýdy tushytý zaýytyn salý jumystary júrgizilýde. Jobanyń quny-4,0 mlrd. teńge. Joba kezeń-kezeńimen júzege asyrylýda. Qazirgi ýaqytta zaýyttyń belgilengen qýaty táýligine 3600 tekshe metrdi quraidy. Jyl sońyna qarai qýattylyqty 2 esege arttyryp, táýligine 7200 tekshe metrge deiin jetkizý josparlanýda.

Biyl Fort-Shevchenko qalasynda táýligine 5 myń tekshe metr (RB – 4,2 mlrd.teńge) jáne Kendirli aýylynda táýligine 50 myń tekshe metr sý tushytatyn qondyrǵylardy salý jumystary bastaldy.
Mańǵystaý Nurlan Noǵaev Madina Sádýaqasova

Oqi otyryńyz