Mańǵystaý oblysy Qoǵamdyq komýnıkasıa ortalyǵynda ótken brıfıńte Mańǵystaý oblysy sanıtarıalyq-epıdemıologıalyq departamentiniń basshysy Ǵazız Nadýev óńirde sońǵy táýlik boıynsha koronavırýs ınfeksıasyn juqtyrǵandardyń sany kóbeıgenin aıtty, – dep habarlaıdy Dalanews.kz.

Onyń aıtýynsha, 17 naýryz kúni óńirdegi koronavırýs ınfeksıasy boıynsha reprodýktıvti kórsetkish 1,05 qurady. Osyǵan deıin bul kórsetkish 0.6, 0.7 bolǵan.

– Ókinishke oraı, osy kúni arnaıy kórsetkishimiz 1-den asyp tur. Bul, negizinen, turǵyndarymyzdyń buryn-sondy indetti juqtyrǵandarmen tyǵyz qarym-qatynasta bolýynan týyndap otyr. Mańǵystaý oblysy jasyl aımaqta bolǵanymen, koronavırýs ınfeksıasy áli ketken joq. Qaýip bar. Sol sebepti kúndelikti sanıtarlyq talaptardy ustanyp, áleýmettik araqashyqtyqty saqtaý qajet. Asa mańyzdy bolmasa qoǵamdyq oryndarǵa barmaǵan abzal, – dedi Ǵazız Nadýev.