Mańǵystaýda saiasi qýǵyn-súrgin qurbandaryn aqtaý isi qolǵa alyndy
Maqsat – saiasi-qýǵyn súrginge ushyrap, búginge deiin aqtalmaǵandardyń sanyn anyqtaý. Qazirgi ýaqytta oblys ákimdigi saiasi qýǵyn – súrgin qurbandaryn tolyq aqtaý máseleleri jónindegi óńirlik komissiianyń quramy men erejesin bekitti.
«1920-1950 jyldardaǵy saiasi qýǵyn-súrgin – halyqtyń jahandyq tragediiasy. Bul aýyr jolda qanshama adam janyn pida etti. Qýdalaýǵa ushyrady. Oblysta osy baǵytta jumystar júrgizilip, komissiianyń quramy men erejesi bekitildi. Onda memlekettik jáne quqyq qorǵaý organdary ókilderinen 7 adam, ǵalymdar, tarihshylar men ólketanýshylardan 9 adam, azamattyq qoǵam men qoǵam ókilderinen 10 adam bar. Jyl basynan bastap komissiianyń 4 otyrysy ótkizildi, –dedi Amanǵali Nurdáýletov.
Sondai-aq, azamattyq qoǵam ókilderi jáne qýǵyn-súrgin qurbandary urpaqtarynyń qatysýymen Jańaózen qalasy men Beineý, Mańǵystaý, Túpqaraǵan aýdanynda 4 kóshpeli otyrys ótkizildi. Kezdesý barysynda qujattardy izdeý baǵyttary anyqtalyp, suraqtar boiynsha túsiniktemeler berildi.
– Óńirlik komissiiaǵa týystaryn ońaltý boiynsha 25 ótinish tústi. 39 adamnyń tizimi jasaqtalyp, 8 adam aqtaldy. 31 adamnyń málimeteri izdestirilýde. Komissiianyń usynymyn oryndaý sheńberinde Mańǵystaý oblysynyń Politsiia departamentimen birlesip, aqtalǵan jáne aqtalmaǵan qýǵyn-súrginge ushyraǵan azamattardyń isteri boiynsha 3 arnaiy qor qurý boiynsha sharalar qabyldandy. Muraǵattyq qupiia qujattardy saqtaý úshin Departamenttiń 4-shi qabatynda arnaiy oryn bólindi. Muraǵat barlyq normativtik normalarǵa sáikes jabdyqtalǵan, – dedi Mańǵystaý oblysynyń memlekettik arhivi kommýnaldyq memlekettik mekemesiniń basshysy Minara Sádimekova.
– Respýblikalyq komissiianyń usynystaryna sáikes óńirlik 9 jumys toby qurylyp 11 qordyń tizimin qalyptastyrý jumysy bastaldy. Memlekettik qaýipsizdik komitetiniń muraǵattyq qupiia qujattaryn zerdeleý úshin komissiia quramynyń 3 múshesine ruqsattama alyndy. Qazirgi ýaqytta jumys tobynyń músheleri 604 áskeri tutqyndardyń tizimine jáne 478 qýǵyn-súrginge ushyraǵandardyń tizimine qatysty málimetterdi zerdeleý boiynsha jumys júrgizilýde, – dedi ólketanýshy Alqajan Edilhan.
Ár azamat týma-týysqandary men jaqyndary týraly málimetterdi jiberýge tolyq múmkindigi bar. Ol úshin repressiyatizimi@mail.ru poshtasyna, «Saiasi kýǵyn-súrgin qurbandaryn aqtaý» Facebook paraqshasyna, «Mańǵystaý oblysy boiynsha saiasi qýǵyn-súrgin qurbandaryn aqtaý» telegram kanaly men 8(7292)30-44-22, 30-44-17 nómirine habarlassańyz bolady. Joldanǵan árbir aqparat Mańǵystaý oblysynyń memlekettik arhivi KMM-ne kelip túsedi.
