Ózbekstandyq bloger Ilhomjon Iolchiev Mańǵystaý oblysyndaǵy Tuzbaiyr tuzdy alqaby aýmaǵynda jol talǵamaityn kólikpen júrgeni úshin Qazaqstanda aiyppul arqalady, dep habarlaidy Dalanews.kz.
Ol saparynyń videosyn Instagram jelisinde ózi jariialaǵan. Kadrlarda kóliktiń Bozjyra shatqaly mańyndaǵy tabiǵi aimaqqa kirip, sol jerde qozǵalǵany kórinedi.
Atalǵan videony politsiia qyzmetkerleri áleýmettik jelilerdi monitoringteý barysynda anyqtaǵan. Mańǵystaý oblystyq politsiia departamentiniń málimetinshe, bloger ákimshilik jaýapkershilikke tartylǵan.
Oǵan «Abattandyrý qaǵidalaryn buzý» baby boiynsha hattama toltyrylyp, 20 AEK (86 500 teńge) kóleminde aiyppul salyndy.
