وزبەكستاندىق بلوگەر يلحومجون يولچييەۆ ماڭعىستاۋ وبلىسىنداعى تۇزبايىر تۇزدى القابى اۋماعىندا جول تالعامايتىن كولىكپەن جۇرگەنى ءۇشىن قازاقستاندا ايىپپۇل ارقالادى، دەپ حابارلايدى Dalanews.kz.
ول ساپارىنىڭ ۆيدەوسىن Instagram جەلىسىندە ءوزى جاريالاعان. كادرلاردا كولىكتىڭ بوزجىرا شاتقالى ماڭىنداعى تابيعي ايماققا كىرىپ، سول جەردە قوزعالعانى كورىنەدى.
اتالعان ۆيدەونى پوليسيا قىزمەتكەرلەرى الەۋمەتتىك جەلىلەردى مونيتورينگتەۋ بارىسىندا انىقتاعان. ماڭعىستاۋ وبلىستىق پوليسيا دەپارتامەنتىنىڭ مالىمەتىنشە، بلوگەر اكىمشىلىك جاۋاپكەرشىلىككە تارتىلعان.
وعان «اباتتاندىرۋ قاعيدالارىن بۇزۋ» بابى بويىنشا حاتتاما تولتىرىلىپ، 20 اەك (86 500 تەڭگە) كولەمىندە ايىپپۇل سالىندى.
