الماتىدا تٷندە جوعارى جىلدامدىقپەن جٷرٸپ, پوليتسييانىڭ تالابىنا باعىنباعان 19 جاستاعى جٷرگٸزۋشٸ ۇستالدى. وقيعا تاڭعى ساعات 4:30 شاماسىندا بوستاندىق اۋدانىندا بولعان, دەپ حابارلايدى dalanews.kz.
مەلٸمەتكە سٷيەنسەك, بوران-421 ەكيپاجى مەملەكەتتٸك نٶمٸرٸ جوق Toyota كٶلٸگٸن بايقاعان. جٷرگٸزۋشٸ پوليتسەيلەردٸڭ توقتاۋ تۋرالى تالابىنا باعىنباي, جىلدامدىقتى كەرٸسٸنشە ارتتىرىپ, ادام كٶپ جٷرەتٸن كٶشەلەرمەن قاشۋعا تىرىسقان.
پاترۋلدٸك پوليتسييا قىزمەتكەرلەرٸ كٶلٸكتٸ توقتاتىپ, حودجانوۆ كٶشەسٸندە جولىن بٶگەگەن. رٶلدە الماتى قالاسىنىڭ 19 جاستاعى تۇرعىنى بولعان. ول كٶلٸك باسقارۋدان شەتتەتٸلٸپ, كٶلٸك ارنايى ايىپ تۇراعىنا قويىلدى. جٷرگٸزۋشٸ بٸرنەشە قۇقىقبۇزۋشىلىق بويىنشا جاۋاپكەرشٸلٸككە تارتىلدى.
