جەتٸسۋ وبلىس قۇرىلعاننان بەرٸ بٸلٸم بەرۋ نىساندارىنىڭ 41,8 % جاڭعىرتىلدى. بيىل 5 جاڭا مەكتەپ پايدالانۋعا بەرٸلٸپ, 2 بٸلٸم وشاعى كٷردەلٸ جٶندەۋدەن ٶتتٸ. سولاردىڭ بٸرٸ - دارىندى بالالارعا ارنالعان «بٸلٸم-يننوۆاتسييا» مامانداندىرىلعان ليتسەي-ينتەرناتىنىڭ 300 ورىندى زاماناۋي جاڭا وقۋ عيماراتى رەسپۋبليكا كٷنٸ قارساڭىندا پايدالانۋعا بەرٸلدٸ. تالدىقورعان قالاسىندا ورنالاسقان بۇل بٸلٸم ورداسىنىڭ اشىلۋ سالتاناتىنا وبلىس ەكٸمٸ بەيبٸت يساباەۆ, ارداگەر ۇستازدار, مەكتەپ ۇجىمى, وقۋشىلار مەن اتا-انالار قاتىستى, دەپ حابارلايدى dalanews.kz.
ٶڭٸر باسشىسى كٶپشٸلٸكتٸ ايتۋلى جاڭالىقپەن قۇتتىقتادى:
- سوڭعى ٷش جىلدا جەتٸسۋلىق وقۋشىلار حالىقارالىق وليمپيادالار مەن زيياتكەرلٸك كونكۋرستاردا 73 مەدال يەلەندٸ. اتالعان ماراپاتتاردىڭ 27-سٸ, ياعني 40% تٸكەلەي وسى ليتسەي شەكٸرتتەرٸنە تيەcٸلٸ. بۇل ايتۋلى كٶرسەتكٸش – ليتسەيدە قالىپتاسقان ساپالى بٸلٸم بەرۋ دەستٷرٸ مەن ۇستازداردىڭ كەسٸبي ەڭبەگٸنٸڭ ايقىن كٶرٸنٸسٸ. بٷگٸنگٸ وقۋشى – ەرتەڭگٸ ەل تٸرەگٸ. سوندىقتان بٸز جاستاردىڭ تەرەڭ بٸلٸم الۋىنا, جەكە تۇلعا رەتٸندە جان-جاقتى دامۋىنا قاجەتتٸ جاعداي جاساۋدى جالعاستىرامىز, - دەدٸ ب.يساباەۆ.
مەكتەپتٸڭ لەنتاسى قيىلىپ, جينالعان كٶپشٸلٸك عيماراتتىڭ ٸشكٸ مٷمكٸندٸكتەرٸمەن تانىستى. وبلىس باسشىسى گەوگرافييا, تاريح, قازاق تٸلٸ, روبوتتەحنيكا كابينەتتەرٸن ارالاپ كٶردٸ. سول سيياقتى فوەدە قويىلعان ليتسەي وقۋشىلارى جەتٸستٸكتەرٸنٸڭ كٶرمەسٸمەن تانىستى. وسى جەردە حالىقارالىق پەن وليمپيادالارىنىڭ جەڭٸمپازدارىمەن تٸلدەستٸ. «مەملەكەت باسشىسى پاراساتتى, وقيتىن, ٸزدەنٸمپاز, تەحنولوگييانى, جاساندى ينتەللەكتتٸ مەڭگەرگەن, زەردەلٸ ۇرپاق قالىپتاستىرۋعا بارلىق جاعداي جاساۋ تۋرالى مٸندەت قويىپ وتىر. سوعان ساي ەل كٶلەمٸندە, سونىڭ ٸشٸندە وبلىستا دا ٷلكەن جوبالار ٸسكە اسىرىلىپ جاتىر. سٸزدەر دە وسى ٷردٸستەن قالماي, رەسپۋبليكاداعى ەڭ بەدەلدٸ, ٶزٸنٸڭ تاريحى بار مەكتەپ ليتسەيٸندە جاقسى وقىپ, ٷلكەن جەتٸستٸكتەرگە جەتە بەرٸڭدەر, ٷلكەن ازامات بولىپ ٶسٸڭدەر», - دەدٸ وبلىس باسشىسى.
وسى كٷنٸ ليتسەي وقۋشىلارىنا «كٸتاپ وقيتىن ۇلت» جوباسىنا ەنگٸزٸلگەن كٸتاپتار تٸزٸمٸندەگٸ 60 جيناق سىيعا تارتىلدى.
مەكتەپ ديرەكتورى ايبەك اشيرمەتوۆتٸڭ ايتۋىنشا, «تالدىقورعان دارىندى بالالارعا ارنالعان «بٸلٸم-يننوۆاتسييا» مامانداندىرىلعان مەكتەپ-ليتسەيٸ 1993 جىلى قۇرىلعان.
- وسى ۋاقىتتان بەرٸ بٸلٸم مەكەمەسٸن 1,5 مىڭعا جۋىق تٷلەك بٸتٸرٸپ شىقتى. ٶتكەن جىلى بٸتٸرگەن 48 وقۋشىنىڭ بەرٸ جوعارى وقۋ ورىندارىنا وقۋعا تٷستٸن. مۇندا وقىتۋ قازاق, ورىس, اعىلشىن, تٷرٸك تٸلدەرٸندە جٷرەدٸ. بٷگٸنگٸ اشىلىپ وتىرعان جاڭا عيماراتتا 37 كابينەت بار, سونىڭ ٸشٸندە لينگۆيستيكالىق كابينەت جەنە زەرتحانالار جابدىقتالعان. بۇل وقۋشىلاردىڭ جەتٸستٸكتەرٸن ەسەلەي تٷسۋگە ٷلكەن ىقپال ەتەدٸ, - دەيدٸ ا.اشيرمەتوۆ.
مەكتەپتە 100-دەن استام ادام جۇمىس ٸستەسە, سونىڭ 37-سٸ – پەداگوگ. سولاردىڭ بٸرٸ جاس مامان ميراس مەدەتۇلى ەلەۋلٸ قۋانىشقا وراي پٸكٸر بٸلدٸردٸ:
- مەن وسى بٸلٸم مەكەمەسٸنە بيىلعى وقۋ جىلىندا جاس مامان بولىپ كەلٸپ وتىرمىن. بيولوگييا پەنٸنەن ساباق بەرەمٸن. بۇل مەكتەپتە جاراتالىستانۋ پەندەرٸ اعىلشىن تٸلٸندە ٶتەدٸ, سوندىقتان بيولوگييا پەنٸ دە اعىلشىن تٸلٸندە جٷرەدٸ. ٶزٸم ٶسكەمەن قالاسىنداعى «بٸلٸم-يننوۆاتسييا» مەكتەپ-ليتسەيٸن بٸتٸردٸم, كەيٸن ٸ. جانسٷگٸروۆ اتىنداعى جەتٸسۋ ۋنيۆەرسيتەتٸندە وقىدىم. العاشقى ەڭبەك جولىمدى وسى ليتسەيدەن باستاپ جاتقانىما قۋانىشتىمىن, - دەدٸ ول.
جاڭا وقۋ عيماراتىنىڭ اشىلعانىنا اتا-انالار دا ريزا.
- بٷگٸن بٸز ٷشٸن ەرەكشە كٷن. «بٸلٸم-يننوۆاتسييا» مەكتەبٸنٸڭ جاڭا عيماراتى اشىلدى. مەنٸڭ ۇلىم جايدار ەسكەندٸر باستاۋىشتا قالاداعى اباي اتىنداعى №1 مەكتەپتە, 5-6 سىنىپتاردى № 20 ليتسەيدە وقىدى, سول العان ساپالى بٸلٸمٸنٸڭ ارقاسىندا 7 سىنىپتا وسى مەكتەپكە قابىلداندى. قازٸر 11 سىنىپتا, بۇل ٶتە جاۋاپتى كەزەڭ. وسى جىلدا جاڭا وقۋ كورپۋسى قولدانىسقا بەرٸلگەنٸنە قۋانىشتىمىن. ٸشٸن ارالاپ كٶردٸك ەدەمٸ, جايلى, كەڭ, ٷلكەن عيمارات. جاڭا كورپۋستىڭ قۇرىلىسىنا اتسالىسقان بارشا ازاماتتارعا اتا-انالار اتىنان العىس ايتامىز, - دەدٸ شىنار احماديەۆا.
اتاپ ٶتسەك, مەكتەپ-ليتسەيدە 266 وقۋشى وقيدى. سونىڭ بٸرٸ - ەدٸلەت بەكمولدا.
- مەن 7 سىنىپتان بەرٸ وسى مەكتەپتە وقيمىن. الدىڭعى جىلى ليتسەي پرەزيدەنتٸ بولدىم. ليتسەي ٶمٸرٸنە بەلسەنە قاتىسامىن. رەسپۋبليكالىق وليمپيادالار مەن عىلىم جوبالار بايقاۋىنىڭ ٷش مەرتە جٷلدەگەرٸمٸن. بٷگٸن ليتسەي تاريحىنىڭ جاڭا بەلەسٸ باستالدى دەپ بٸلەمٸز. وتىز جىلدان استام ۋاقىتتا قالىپتاسقان بٸلٸم مەن تەربيە قۇندىلىقتارى جاڭا عيماراتتا جالعاسىن تابادى. مەنٸڭ ويىمشا, بٸزدەن كەيٸنگٸ ٶسٸپ كەلە جاتقان ٸنٸلەرٸمٸز ٷشٸن بۇل عيمارات كەرەمەت مٷمكٸندٸكتەر بەرەدٸ. بولاشاقتا وسى جەردەن العان بٸلٸمٸمدٸ ەلدٸڭ يگٸلٸگٸنە ارنايمىن دەپ ويلايمىن, - دەيدٸ ەدٸلەت بەكمولدا.
ەسكە سالساق, بۇل «بٸلٸم-يننوۆاتسييا» مامانداندىرىلعان ليتسەي-ينتەرناتىنىڭ وقۋ عيماراتىنىڭ قۇرىلىسى 2025 جىلى مامىردا باستالعان بولاتىن.
