استانادا فيتنەس ورتالىقتا ٶرت شىعىپ, 20 ادام قۇتقارىلدى, دەپ حابارلايدى dalanews.kz.
الماتى اۋدانىنداعى ق.سەتباەۆ كٶشەسٸندە ورنالاسقان ەكٸ قاباتتى فيتنەس ورتالىقتىڭ جەرتٶلەسٸندە كابەل تۇتانعان.
وقيعا ورنىنا تجم بٶلٸمشەلەرٸ جەدەل جەتكەن. قۇتقارۋشىلار جەرتٶلە تٷتٸندەپ جاتقانىن انىقتاعان.
"عيماراتتاعى ادامداردىڭ قاۋٸپسٸزدٸگٸن قامتاماسىز ەتۋ ماقساتىندا گاز-تٷتٸننەن قورعاۋ قىزمەتٸنٸڭ بۋىنى 20 ادامدى ەۆاكۋاتسييالادى. ٶرت قىسقا مەرزٸمدە سٶندٸرٸلدٸ. ول ودان ەرٸ تاراۋىنا جول بەرٸلمەدٸ. زارداپ شەككەندەر جوق", - دەدٸ تجم ٶكٸلدەرٸ.
