Memleket basshysynyń tapsyrmasymen respýblika boiynsha «Taza Qazaqstan» ekologiialyq aktsiiasy qolǵa alyndy. Ár aptanyń ózindik taqyrybymen naqty maqsaty bar. Aktsiia aiasynda Túpqaraǵan, Munaily aýdandarynda ornalasqan jergilikti segiz eskertkishterge tazalaý jumystary júrgizildi. Aktsiiaǵa mádeni oshaqtardyń qyzmetkerleri belsene úles qosty, dep habarlaidy Dalanews.kz.
Oblystyq qýyrshaq teatrynyń qyzmetkerleri «Esmambet Ata» kieli eskertkishiniń ishi-syrtyn tazalap, abattandyrý jumystaryn retke keltirildi.
– Prezidentimiz Qasym-Jomart Toqaevtyń «Taza Qazaqstan» aktsiiasy boiynsha tazalaý jumystary júrgizilip jatyr. Eskertkishterdiń ainalasyn tazartý jumystarynyń júrgizilýi beker emes. Sebebi 18 sáýir halyqaralyq eskertkishterdi qorǵaý kúni. Mańǵystaý ólkesiniń mádeniet salasynyń qyzmetkerleri birigip senbilik júrgizdi. Tarihi-mádeni eskerkishterdi qorǵap, saqtaý barsha qazaqstandyqtardyń azamattyq boryshy. Ár eskerkishtiń ózindik qaitalanbas qasieti bar. Osyny saqtap, urpaqqa nasihattai otyryp jetkize bilýimiz qajet. Joljan Qorymynyń ainalasy taza. Ishi, syrtyn tazalaýda aitarlyqtai qoqys jinalǵan joq. Sebebi eldi mekennen shalǵai ornalasqan. Al «Qoshqar Ata», Qalipan qorymy eldi mekenge jaqyn ornalasqandyqtan kóp qoqys jinalýy múmkin, – dedi mádeniet qyzmetkeri Serik Qosjanov.
Mańǵystaý memlekettik tarihi mádeni qoryǵynyń direktory Nurlan Qulbai bul sharany jylda úrdiske ainaldyrý kerek deidi.
«Elimiz boiynsha «Taza Qazaqstan» aktsiiasy bastaldy. Aktsiia bes aptaǵa sozylady. Tarihi -mádeni qoryqtyń ujymy bolyp Túpqaraǵan aýdanynda ornalasqan «Temir kúmbez» tamyna tazalaý jumystaryn júrgizdik. Ainalasyndaǵy kúl-qoqystaryn tazalap, qi-tezekterdi jinaqtap, qulaǵan tastardy retke keltirdik. Sonymen qatar «Jylqybai qorymynda» da dál osyndai jumystar atqaryldy.
Mańǵystaý sáýletti eskertkishterdiń shoǵyrlanyp jatqan jeri. Bul ata-babalarymyzdan saqtalyp kele jatqan mura. Mańyzdy muralardy urpaqtan-urpaqqa jetkizý úshin kútim jasalý kerek. Eskertkishtiń de kiesi bolady. Sol kieni saqtap, qorǵaý maqsatynda uiymdastyrylǵan sharany jylda úrdiske ainaldyrý kerek dep oilaimyn. Osyndai igi is jastarǵa úlgi retinde uiymdastyrylý qajet», dedi Nurlan Qulbai.
Mádeniet qyzmetkeri Salamat Bairamov ta halyqty tabiǵi oryndardyń kórkin buzbai, saqtaýǵa shaqyrdy.
Elimizde respýblikalyq ekologiialyq «Taza Qazaqstan» aktsiiasy júrip jatyr. Atalǵan aktsiiaǵa oblystyq ǵylymi-ádistemelik jáne mádeni qyzmet kórsetý ortalyǵynyń ujymy da úlesin qosty. Qyzmetkerler eskertkishtiń aýmaǵyn abattandyrý, ainalasyn qoqystan tazalaý jumystaryn júrgizdi.
Sharanyń maqsaty - turǵyndar arasynda vandalizmge qarsy qoǵamdyq sana tárbieleý, qoǵamdyq mádeni deńgeidi arttyrý arqyly respýblikalyq deńgeidegi aktsiiaǵa qoldaý kórsetý. Árbir eldimekenniń tazalyǵy turǵyndarǵa tikelei bailanysty. Igi bastama aiasynda yntymaq pen ózara kómekke úiretetin jaqsy qasietterdi nasihattaityn qaiyrymdy jáne mádeni sharalar jalǵasyn taba bersin. Bolashaqta tártip pen tazalyq saqtaý basty daǵdyǵa ainalatynyna senemiz, - dedi ol.
