Mobildi toptyń negizgi maqsaty - memlekettik organdardyń tarapynan zańsyz tekserýlerdi boldyrmaý jáne olardyń qyzmetine negizsiz aralasýyna jol bermeý. Eger joǵaryda atalǵan jáit oryn alǵan jaǵdaida mobildi toptyń múshelerine shaǵymdana alady.
– Eger kásipkerlerdi zańsyz tekserip jatsa, mobildik toptyń múshelerine shaǵymdana alady. Oblys boiynsha shaǵyn jáne mikro kásipkerlikke qatysty tekserýdi tirkeý týraly 192 akt tirkelgen. Al ótken jyly pandemiiaǵa bailanysty kásipkerlerdi tekserýdiń sany 90,2% tómendegen.
Sondai-aq quqyqtyq statistika jáne arnaiy esepke alý komitetiniń arnaiy «ERSOP» atty júiesi arqyly tekserý aktisi men onyń zańdylyǵyn qarai alady. Shaǵyn jáne mikro kásipkerler quqyqtary únemi qorǵalýda ekendigin aitqym keledi. Qazaqstan Respýbilkasy Prezidentiniń 2019 jylǵy 26 jeltoqsandaǵy «Qazaqstan Respýblikasynda tekserýlerge jáne profilaktikalyq baqylaý men qadaǵalaýdy baryp júrgizýge moratorii engizý týraly» №229 jarlyǵyna sáikes, ortalyq memlekettik jáne jergilikti atqarýshy organdar 2020 jylǵy 1 qańtardan bastap 2023 jylǵy 1 qańtarǵa deiin shaǵyn kásipkerlik sýbektilerin, onyń ishinde mikrokásipkerlik sýbektilerin tekserýlerdi jáne profilaktikalyq baqylaý men qadaǵalaýdy júrgizý toqtatyldy, – dedi aǵa prokýror Dosbol Medelov.
