ءموبيلدى توپتىڭ نەگىزگى ماقساتى - مەملەكەتتىك ورگانداردىڭ تاراپىنان زاڭسىز تەكسەرۋلەردى بولدىرماۋ جانە ولاردىڭ قىزمەتىنە نەگىزسىز ارالاسۋىنا جول بەرمەۋ. ەگەر جوعارىدا اتالعان ءجايت ورىن العان جاعدايدا ءموبيلدى توپتىڭ مۇشەلەرىنە شاعىمدانا الادى.
– ەگەر كاسىپكەرلەردى زاڭسىز تەكسەرىپ جاتسا، موبيلدىك توپتىڭ مۇشەلەرىنە شاعىمدانا الادى. وبلىس بويىنشا شاعىن جانە ميكرو كاسىپكەرلىككە قاتىستى تەكسەرۋدى تىركەۋ تۋرالى 192 اكت تىركەلگەن. ال وتكەن جىلى پاندەمياعا بايلانىستى كاسىپكەرلەردى تەكسەرۋدىڭ سانى 90،2% تومەندەگەن.
سونداي-اق قۇقىقتىق ستاتيستيكا جانە ارنايى ەسەپكە الۋ كوميتەتىنىڭ ارنايى «ەرسوپ» اتتى جۇيەسى ارقىلى تەكسەرۋ اكتىسى مەن ونىڭ زاڭدىلىعىن قاراي الادى. شاعىن جانە ميكرو كاسىپكەرلەر قۇقىقتارى ۇنەمى قورعالۋدا ەكەندىگىن ايتقىم كەلەدى. قازاقستان رەسپۋبيلكاسى پرەزيدەنتىنىڭ 2019 جىلعى 26 جەلتوقسانداعى «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوريي ەنگىزۋ تۋرالى» №229 جارلىعىنا سايكەس، ورتالىق مەملەكەتتىك جانە جەرگىلىكتى اتقارۋشى ورگاندار 2020 جىلعى 1 قاڭتاردان باستاپ 2023 جىلعى 1 قاڭتارعا دەيىن شاعىن كاسىپكەرلىك سۋبەكتىلەرىن، ونىڭ ىشىندە ميكروكاسىپكەرلىك سۋبەكتىلەرىن تەكسەرۋلەردى جانە پروفيلاكتيكالىق باقىلاۋ مەن قاداعالاۋدى جۇرگىزۋ توقتاتىلدى، – دەدى اعا پروكۋرور دوسبول مەدەلوۆ.
