«Taza Qazaqstan» atty ekologiialyq aktsiiasy aiasynda Aqtaý qalasynyń belsendileri «Ybyqty-Sai» tarihi ornyna tazalyq jumystaryn júrgizdi, – dep habarlaidy Dalanews.kz Mańǵystaý oblysy Qoǵamdyq kommýnikatsiialar ortalyǵyna silteme jasap.
Bul aktsiiaǵa oblystyq «Jastar» resýrstyq ortalyǵynyń ókilderi jáne «Yessenov» kolledjiniń stýdentteri belsene qatysty.
– Mańǵystaý oblysy eriktileriniń uiymdastyrýymen «Ybyqty-Sai» shatqalyna senbilik ótkizýdi uiǵardyq. Kieli ólkeniń kórikti jerlerine saiahattaityn týrister aǵyny jyl saiyn artyp keledi, tabiǵat-Ananyń qymbat qazynasy retinde mundai jádigerlerdiń bastapqy qalpyn buzbai, jainap turýy tikelei bizge bailanysty. Urpaqtyń jarqyn keleshegi týǵan jerine degen súiispenshilikten bastalady, – deidi aqtaýlyq eriktisi Amangúl Jamken
«Ybyqty-Sai» shatqaly Aqtaýdan 60 shaqyrym jerde ornalasqan. Ol Qazaqstannyń eń tereń oipatynda – Qaraqiiada ornalasqan.
Bul – shatqal tabiǵattyń erekshe týyndysy. Kóptegen adamdar ony ashyq shatqal dep ataidy. Milliondaǵan jyldar boiy jańbyr men jel mújip, minsiz músindelgen shatqaldar kórkimen kóz tartady.
Tańǵajaiyp labirintter men arkalardyń álemine engendei kúi keshesiz.
