Mańǵystaýda 6 ýchaskede sýǵa shomylýǵa tyiym salyndy
Onyń aitýynsha sýǵa shomylý maýsymy kezinde adamdardyń qaýipsizdigin saqtaý maqsatynda sýǵa túsýge tyiym salynǵan jáne shomylýǵa ruqsat etilgen jerlerge qatysty normativtik qujattar qabyldandy. Iaǵni «Mańǵystaý oblysynda ortaq sý paidalaný qaǵidalary týraly» sheshimimen oblys aýmaǵyndaǵy 6 orynda sýǵa túsýge tyiym salynǵan.
– Olar Aqtaý qalasy boiynsha 4 shaǵyn aýdandaǵy «Caspian Rivera Grand Palace» qonaq úiinen 5 sh/a M. Óskinbaev atyndaǵy oblystyq filarmoniiaǵa deiin jáne «Shora» sý kanaly. Túpqaraǵan aýdany boiynsha «Kógildir ailaq» 64 shaqyrym, 43 shaqyrym, «Saýra» 86 shaqyrym, «Tamshaly» Fort-Shevchenko qalasynan Taýshyq aýylyna qarai 30 shaqyrym, «Sarytas» Fort-Shevchenko qalasynan Taýshyq aýylyna deiingi aralyqqa sýǵa túsýge tyiym salynady. Jabdyqtalmaǵan jáne ruqsat etilmegen jerlerde shomylýǵa, sýǵa mas kúiinde túsýge, sondai-aq ata-analardyń balalardy qaraýsyz qaldyrýyna bolmaidy. Sol sebepti sýǵa shomylý kezindegi qaýipsizdik sharasyn ár adam ózinen bastaý qajet, – dedi Mańǵystaý oblystyq tótenshe jaǵdailar departamentiniń basshysy Murat Muhanov.
Sýǵa shomylý maýsymy kezeńinde oblys halqynyń qaýipsizdigin qamtamasyz etý boiynsha uiymdastyrý, aldyn alý jáne praktikalyq is-sharalar kesheni qarastyryldy. MO Tótenshe jaǵdailar departamenti óńir turǵyndaryna, onyń ishinde balalarǵa profilaktikalyq, úgit-nasihat jumystary men reidtik sharalaryn karantin talaptaryn saqtai otyryp turaqty túrde júrgizip jatyr.
Sonymen qatar baspasóz konferentsiiasyna qatysqan departament basshysy Murat Muhanov jyl basynan beri anyqtalǵan órt jaǵdaiyna toqtaldy.
– «101» jáne «112» telefon nómirine túsken shaqyrtýlar nátijesinde departament mamandary 700-ge jýyq avariialyq-qutqarý jumystaryn júrgizdi. Sondai-aq departament qyzmetkerleri 3 orman qory men qoryqty belgilengen tártip boiynsha tekserdi. Onda 20 órt qaýipsizdigi erejesiniń buzylǵandyǵy anyqtaldy. 3 zańdy tulǵa ákimshilik jaýapkershilikke tartyldy. Azamattyq qorǵaý kúshteri, jergilikti politsiia qyzmeti, orman mekemelerimen birlesip 5 mobildi top quryldy, – dedi Murat Muhanov.
