Mańǵystaý oblysynda «Keleshek mektepteri» ulttyq jobasy aiasynda alǵashqy tórt mektep paidalanýǵa berildi,- dep habarlaidy Dalanews.kz
Jýyrda taǵy birneshe jańa oqý orny esigin aiqara ashpaq. Solardyń biri — Batyr aýylyndaǵy jańa mektep. Zamanaýi bilim ordasy STEM zerthanalarymen, shyǵarmashylyq jáne sporttyq aimaqtarmen, sondai-aq erekshe bilim berý qajettilikteri bar balalarǵa arnalǵan inkliýzivti kabinettermen jabdyqtalǵan. Joba árbir balaǵa qolaily ári teń múmkindikti bilim berý ortasyn qalyptastyrýdy kózdeidi.
Búgin atalǵan mektepte ashyq esik kúni ótti. Bolashaq birinshi synyp oqýshylary men olardyń ata-analary jańa oqý ornynyń artyqshylyqtarymen tanysty.
Munaily aýdany bilim bóliminiń basshysy mindetin atqarýshy Saǵatbek Jubanovtyń aitýynsha, Batyr aýylyndaǵy №15 jáne №13 mektepterde úsh aýysymda oqý júrip jatqandyqtan, jańa bilim oshaqtarynyń qajettiligi týyndap otyr.
– Bul máseleni sheshý maqsatynda «Keleshek mektepteri» baǵdarlamasy aiasynda Hazar jáne Samal shaǵynaýdandarynda árqaisysy 1200 oqýshyǵa arnalǵan eki jańa mektep salynýda. Jalpy — 2400 oryn. Bul nysandar jańa oqý jylynyń basynda — qyrkúiek aiynda paidalanýǵa beriledi, – dedi ol.
