Bul qýanyshty habardy oblys ákimi Serikbai Trumovpen kezdesken «Meridian Petroleým» kompaniiasynyń prezidenti B.Qýandyqov jetkizdi. Onyń aitýynsha Tepkedegi kenoryn – elimiz táýelsizdigin alǵaly 30 jylda Mańǵystaý oblysynda ashylǵan alǵashqy eń iri ken orny bolmaq.
– 2018 jyly bastalǵan geologiialyq barlaý jumysy nátijesin berdi. Alynǵan munaidyń qysymy, debiti, gazdyq faktory jáne basqa da parametrleri boiynsha iri ken orny bolady dep boljap otyrmyz. Qazir kenornyndaǵy munai qoryn anyqtaý jumystary júrip jatyr. Jańa kenorynnyń ainalasynda «Qaraqudyq», «Arystan» jáne «Komsomolskoe» kenoryndary ornalasqan, – dedi Meridian Petroleým kompaniiasynyń prezidenti B. Qýandyqov.
Oblys ákimi S.Trumov atalǵan munai ken ornynyń ashylýy óńirdiń áleýmettik-ekonomikalyq damýyna keń serpin berip, jańa jumys oryndarynyń qurylýyna jol ashylatynyn aitty. El igiligi úshin jasalyp jatqan jańa bastamaǵa sáttilik tiledi.
