Bir kún buryn Mańǵystaý oblysy ákiminiń birinshi orynbasarynyń tintýge alynǵany týraly degen aqparat paida boldy. Tintý qandai is boiynsha júrgizilgeni áli belgisiz. Muny bilý úshin biz Sybailas jemqorlyqqa qarsy qyzmetke saýal joldadyq.
Oblystyq ákimdik tintý týraly aqparatty rastaǵan da, teriske shyǵarǵan da joq. Olar tek Qyraýbaevtyń óz jumys ornynda ekenin habarlady:
-
Mańǵystaý oblysy ákiminiń birinshi orynbasary Álihan Qyraýbaev óziniń jumys ornynda ekenin jáne óz qyzmetin qaltqysyz atqaryp jatqandyǵyn habarlaimyz, - dedi Mańǵystaý oblysy ákiminiń baspasóz qyzmetiniń jetekshisi Samat Súlei.
Buǵan deiin "Vremia" gazeti Sybailas jemqorlyqqa qarsy qyzmet aimaqtardy suiytylǵan gazben qamtamasyz etý shemasyna qatysty isti tekserip jatyr dep jazdy. Keibir oblystar kórsetilgen mqlsherden kóp gaz alǵany anyqtaldy, onyń ústine artyq shikizatty qaita satýǵa shyǵarǵan, al memleket shyǵynǵa ushyraǵan. Mańǵystaý oblysy ákiminiń birinshi orynbasary Álihan Qyraýbaevtyń gazben bailanysty aila-sharǵylarǵa qatysy bar degen boljam bar.
