ءبىر كۇن بۇرىن ماڭعىستاۋ وبلىسى اكىمىنىڭ ءبىرىنشى ورىنباسارىنىڭ تىنتۋگە الىنعانى تۋرالى دەگەن اقپارات پايدا بولدى. ءتىنتۋ قانداي ءىس بويىنشا جۇرگىزىلگەنى ءالى بەلگىسىز. مۇنى ءبىلۋ ءۇشىن ءبىز سىبايلاس جەمقورلىققا قارسى قىزمەتكە ساۋال جولدادىق.
وبلىستىق اكىمدىك ءتىنتۋ تۋرالى اقپاراتتى راستاعان دا، تەرىسكە شىعارعان دا جوق. ولار تەك قىراۋبايەۆتىڭ ءوز جۇمىس ورنىندا ەكەنىن حابارلادى:
-
ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋبايەۆ ءوزىنىڭ جۇمىس ورنىندا ەكەنىن جانە ءوز قىزمەتىن قالتقىسىز اتقارىپ جاتقاندىعىن حابارلايمىز، - دەدى ماڭعىستاۋ وبلىسى اكىمىنىڭ باسپا ءسوز قىزمەتىنىڭ جەتەكشىسى سامات سۇلەي.
بۇعان دەيىن "ۆرەميا" گازەتى سىبايلاس جەمقورلىققا قارسى قىزمەت ايماقتاردى سۇيىتىلعان گازبەن قامتاماسىز ەتۋ سحەماسىنا قاتىستى ءىستى تەكسەرىپ جاتىر دەپ جازدى. كەيبىر وبلىستار كورسەتىلگەن مقلشەردەن كوپ گاز العانى انىقتالدى، ونىڭ ۇستىنە ارتىق شيكىزاتتى قايتا ساتۋعا شىعارعان، ال مەملەكەت شىعىنعا ۇشىراعان. ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋبايەۆتىڭ گازبەن بايلانىستى ايلا-شارعىلارعا قاتىسى بار دەگەن بولجام بار.
