Mańǵystaý. Biyl Otpan taýda Amal meiramy toilanbaidy
Mańǵystaý oblystyq mádeniet tilderdi damytý jáne arhiv isi basqarmasynyń basshysy Pániia Sarmýrzina málim etti. Onyń aitýynsha, Mańǵystaý oblysynyń bas memlekettik sanitar dárigeriniń qaýlysyna sáikes, karantin talaptaryn saqtai otyryp, shaǵyn toppen resmi shara ótkiziledi. Sharaǵa Segiz Arys Adai urpaqtarynyń ókilderi qatysady.
– Eskishe jyl sanaý basynda Amal merekesiniń airyqsha orny bar. Bul meiram jyl saiyn «Otpan» tarihi-mádeni kesheninde birliktiń otyn jaǵýmen ótkizilip keldi. Byltyr pandemiiaǵa bailanysty barlyq sharalar toqtatylǵan bolatyn. Biyl resmi shara karantin talaptaryna sáikes, «Segiz Arys» qoǵamdyq qory azamattarymen kelise otyryp shaǵyn toppen ótkizýdi josparlap otyrmyz. Dastarhan jaiý, dám tatý, jármeńke uiymdastyrý sharalary bolmaidy. Al Amal merekesin ulyqtaý oblys boiynsha onlain deńgeide ótkiziledi. Oǵan qala, aýdan boiynsha 40 mádeniet úii, 62 kitaphana men 6 mýzei mekemesi tyńǵylyqty at salysady. Sonymen qatar 14-naýryz kúni Ábish Kekilbaev atyndaǵy alańda kontsert beriledi. Óńir turǵyndary úshin oblystyq telearnadan jas urpaqqa ónege beretin ulttyq naqyshtaǵy tanymdyq baǵdarlamalar tikelei efirden shyǵady. Eń birinshi bailyq, bul denimizdiń saýlyǵy. Sondyqtan saqtyq sharalaryn ustanýǵa mindettimiz, – dedi Pániia Sarmýrzina.
Baspasóz konferentsiiasyna Mańǵystaý oblysy sanitariialyq-epidemiologiialyq baqylaý departamentiniń bólim basshysy Berdibek Saraltaev qatysty.
Onyń aitýynsha, memlekettik bas sanitar dárigeri men oblystyń bas sanitar dárigeriniń qaýlysyna sáikes, Mańǵystaýda biyl Amal meiramy men Naýryz merekesi toilanbaidy. Óitkeni óńirdegi karantindik shekteýlerge bailanysty adamdardyń kóptep shoǵyrlanýyna ruqsat joq. Sondai-aq, halyqtyń tyǵyz bailanysta bolýy qaýipti indettiń órshýine ákeledi.
– Kórisý kúni qol alysyp, tós qaǵystyrady. Biraq epidemiologiialyq turǵysynan aitatyn bolsam, osyndai qaýipti kezeńde qol alysý durys emes. Sondyqtan barsha mańǵystaýlyqtardy amal merekesinde úide, óz otbasymen otyryp, qoǵamdyq oryndarǵa barmaýǵa shaqyramyn. Óitkeni qol berip, qushaqtasý – infektsiianyń taraýyna sebep, – dedi Berdibek Saraltaev.
