ماڭعىستاۋ. بيىل وتپان تاۋدا امال مەيرامى تويلانبايدى
ماڭعىستاۋ وبلىستىق مەدەنيەت تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى پەنييا سارمۋرزينا مەلٸم ەتتٸ. ونىڭ ايتۋىنشا, ماڭعىستاۋ وبلىسىنىڭ باس مەملەكەتتٸك سانيتار دەرٸگەرٸنٸڭ قاۋلىسىنا سەيكەس, كارانتين تالاپتارىن ساقتاي وتىرىپ, شاعىن توپپەن رەسمي شارا ٶتكٸزٸلەدٸ. شاراعا سەگٸز ارىس اداي ۇرپاقتارىنىڭ ٶكٸلدەرٸ قاتىسادى.
– ەسكٸشە جىل ساناۋ باسىندا امال مەرەكەسٸنٸڭ ايرىقشا ورنى بار. بۇل مەيرام جىل سايىن «وتپان» تاريحي-مەدەني كەشەنٸندە بٸرلٸكتٸڭ وتىن جاعۋمەن ٶتكٸزٸلٸپ كەلدٸ. بىلتىر پاندەميياعا بايلانىستى بارلىق شارالار توقتاتىلعان بولاتىن. بيىل رەسمي شارا كارانتين تالاپتارىنا سەيكەس, «سەگٸز ارىس» قوعامدىق قورى ازاماتتارىمەن كەلٸسە وتىرىپ شاعىن توپپەن ٶتكٸزۋدٸ جوسپارلاپ وتىرمىز. داستارحان جايۋ, دەم تاتۋ, جەرمەڭكە ۇيىمداستىرۋ شارالارى بولمايدى. ال امال مەرەكەسٸن ۇلىقتاۋ وبلىس بويىنشا ونلاين دەڭگەيدە ٶتكٸزٸلەدٸ. وعان قالا, اۋدان بويىنشا 40 مەدەنيەت ٷيٸ, 62 كٸتاپحانا مەن 6 مۋزەي مەكەمەسٸ تىڭعىلىقتى ات سالىسادى. سونىمەن قاتار 14-ناۋرىز كٷنٸ ەبٸش كەكٸلباەۆ اتىنداعى الاڭدا كونتسەرت بەرٸلەدٸ. ٶڭٸر تۇرعىندارى ٷشٸن وبلىستىق تەلەارنادان جاس ۇرپاققا ٶنەگە بەرەتٸن ۇلتتىق ناقىشتاعى تانىمدىق باعدارلامالار تٸكەلەي ەفيردەن شىعادى. ەڭ بٸرٸنشٸ بايلىق, بۇل دەنٸمٸزدٸڭ ساۋلىعى. سوندىقتان ساقتىق شارالارىن ۇستانۋعا مٸندەتتٸمٸز, – دەدٸ پەنييا سارمۋرزينا.
باسپاسٶز كونفەرەنتسيياسىنا ماڭعىستاۋ وبلىسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ بٶلٸم باسشىسى بەردٸبەك سارالتاەۆ قاتىستى.
ونىڭ ايتۋىنشا, مەملەكەتتٸك باس سانيتار دەرٸگەرٸ مەن وبلىستىڭ باس سانيتار دەرٸگەرٸنٸڭ قاۋلىسىنا سەيكەس, ماڭعىستاۋدا بيىل امال مەيرامى مەن ناۋرىز مەرەكەسٸ تويلانبايدى. ٶيتكەنٸ ٶڭٸردەگٸ كارانتيندٸك شەكتەۋلەرگە بايلانىستى ادامداردىڭ كٶپتەپ شوعىرلانۋىنا رۇقسات جوق. سونداي-اق, حالىقتىڭ تىعىز بايلانىستا بولۋى قاۋٸپتٸ ٸندەتتٸڭ ٶرشۋٸنە ەكەلەدٸ.
– كٶرٸسۋ كٷنٸ قول الىسىپ, تٶس قاعىستىرادى. بٸراق ەپيدەميولوگييالىق تۇرعىسىنان ايتاتىن بولسام, وسىنداي قاۋٸپتٸ كەزەڭدە قول الىسۋ دۇرىس ەمەس. سوندىقتان بارشا ماڭعىستاۋلىقتاردى امال مەرەكەسٸندە ٷيدە, ٶز وتباسىمەن وتىرىپ, قوعامدىق ورىندارعا بارماۋعا شاقىرامىن. ٶيتكەنٸ قول بەرٸپ, قۇشاقتاسۋ – ينفەكتسييانىڭ تاراۋىنا سەبەپ, – دەدٸ بەردٸبەك سارالتاەۆ.
