Eýraziialyq odaq ekonomikalyq áriptestiktiń shekarasynan shyqpaý kerek. Bul jaiynda Qazaqstan premer-ministri Asqar Mámin aitty dep habarlaidy Dalanews.kz.
Alaida Kremldiń buǵan qatysty kózqarasy bizdiń elmen úndese bermeidi.
Kúni keshe Qazaqstan Máskeýdiń Eýraziialyq odaqtyń aiasyn keńeitý týraly kezekti usynysynan bas tartty.
Birqatar sarapshylar "Kreml osynaý odaqty irgedegi kórshilerin ýysynda ustaý úshin qurdy" dep esepteidi.
Pýtinniń uzaq jylǵy úzeńgilesi Dmitrii Medvedevtyń ornyna kelgen Reseidiń jańa premeri Mihail Mishýstin Eýraziialyq odaq aiasyndaǵy áriptestikti keńeitýge múddeli.
Budan buryn ol sport, týrizm jáne ekologiia salalaryn damytýdy osy odaqtyń quziretine kirgizý qajettigi týraly usynys aitqan.
Bul usynysty Resei premeri Almatyda ótken Eýraziialyq úkimetaralyq keńeste taǵy da qaitalap aitty. Atalǵan sharaǵa Qazaqstan, Resei, Armeniia, Qyrǵyzstan jáne Belarýs úkimetiniń basshylary qatysty.
"Sport, týrizm, ekologiia buǵan qosa densaýlyq saqtaý jáne bilim salasyn Eýraziialyq odaqtyń jumys josparyna engizgenimiz jón. Bizdiń osyndai usynysymyz bar. Al odaqtastar bizdiń bastamany qoldaidy degen úmittemin", – dedi ol.
Alaida...
Elimizdiń Úkimet basshysy Asqar Mámin Mishýstinniń usynysyn qoldaǵan joq, kerisinshe odaq aiasyndaǵy alǵashqy ýaǵdalastyqty saqtaýdyń mańyzdylyǵyna toqtaldy.
"Eýraziialyq odaqtyń áýel bastaǵy kelisimshartynda kórsetilgen mindetterdiń shekarasynan shyqpaý mańyzdy. Bul odaq tek ekonomikalyq áriptestik maqsatynda qurylǵan", – dedi Mámin.
Ekonomist Murat Qastaevtyń pikirinshe Resei biligi osy odaqtyń aiasyn keńeitýdiń joldaryn izdep jantalasýda. Mishýstin usynysy astarynda Máskeýdiń osy odaqtyń ekonomikalyq aspektisin azsynatyn astamshyl ambitsiia jatyr.
"Reseilik sheneýnikter Eýraziialyq odaq keńistigin ekonomikalyq áriptestikpen shektegendi quptamaidy, olar odaqtyń qulashyn keńeitip ony saiasi uiymǵa ainaldyrýdy armandaidy.
Qazaqstannyń odaqqa qatysty pozitsiiasy aiqyn. Bizdiń el bul uiymǵa tek ekonomikalyq odaq retinde qaraidy. Al Máskeýdiń mazasy ketýde. Integratsiia olar kútkendei nátije bermedi, kerisinshe júrisi baiaýlap, shabandap qaldy. Uiymǵa qosylǵan ózge odaqtastar da asa belsendi emes.
Resei tek ózin, óz múddesin oilaidy. Mishýstinniń usynysy sonyń dáleli. Kreml Eýraziialyq odaq aiasynda Reseidiń sport, týrizm jáne ekologiia baǵytyndaǵy maqsat-múddesin alǵa jyljytýdy kózdep otyr.
Dál qazir Máskeýdiń tuǵyry turaqty emes. Resei aýmaly-tókpeli dáýirge aiaq basqaly otyr. Pýtinniń prezidenttik merzimi aiaqtalýǵa taqaý", – deidi Qastaev.
Aita ketelik Pýtinniń prezidenttik merzimi 2024 jyly máresine jetpek.
Al saiasattanýshy Dos Kóshimniń aitýynsha Máskeý eshqashan Eýraziialyq odaqqa ekonomikalyq áriptestikti damytatyn qurylym retinde qaraǵan emes.
"Kremldiń jospary áýel bastan aiqyn. Pýtinniń piǵyly qandai ekenin kózi ashyq, kókiregi oiaý adam jaqsy biledi. Eýraziialyq Odaq kelmeske ketken Qyzyl imperiiany qaita tiriltýdiń álegi ǵana".
Onyń pikirinshe Mishýstinniń usynysy astarynda ákki saiasat jatyr. Budan buryn Búkilálemdik antidoping agenttigi Resei atletteriniń 2020 jylǵy jazǵy Olimpiada oiyndaryna qatysýyna, 2022 jylǵy fýtboldan Álem chempionatyna jáne dál sol jyly ótetin qysqy Olimpiada oiyndaryna qatysýyna tyiym salǵan.
"Reseige ekonomikalyq integratsiia azdyq etip otyr. Odaqtastary tolyqqandy ózine baǵynǵandy qalaidy. Odaqtas elderdiń ekonomikadan bólek sport, týrizm, áleýmet salasy jáne eń sońynan saiasi baǵyt-baǵdaryn ashsa alaqanynda, jumsa judyryǵynda ustaǵysy keledi. Mishýstin Almatydaǵy otyrysqa Pýtinniń tapsyrmasyn oryndaý úshin keldi, olar integratsiiany tereńdetpei tynshymaidy", – deidi Kóshim.
Saiasattanýshynyń aitýynsha Qazaqstannyń qazirgi prezidenti Qasym-Jomart Toqaevtyń saiasi betalysy Máskeýge unap otyrǵan joq.
"Demokratiialyq ózgerister baiqala bastaǵan Qazaqstannyń ustanymy bizdiń eldi osynaý odaqtan alshaqtata túsedi, – deidi ol.
Eń qymbat qundylyq
Orta Aziiada Reseidiń degenine kónbei otyrǵan, halqynyń sany kóp, tilin tuǵyrǵa qondyrǵan jáne óziniń saiasi ustanymy bar el – Ózbekstan.
"Ózbekstan Eýraziialyq odaqqa qosylmaidy". Ózbek basshysy Shavkat Mirziiaev túneýkúni osyndai málimdeme jasady. Ózbekstan osynaý odaqta baqylaýshy esebinde ǵana bolmaq.
– Bizdiń kóptegen azamattarymyz Qazaqsten men Reseige baryp jumys isteidi. Árine, buǵan bei-jai qarai almaitynymyz anyq. Biraq men bir jaitty ashyp aitaiyn, halyqtyń kókeiinde kúmán-kúdik bolmasyn. Bizdi eshqandai el eshqashan táýelsizdikti aiyra almaidy. Táýelsizdik halyq senim artqan prezidenttiń qolynda. Biz Eýraziialyq ekonomikalyq odaqqa múshe bolmaimyz, – degen bolatyn Shavkat Mirziiaev.
[perfectpullquote align="full" bordertop="false" cite="" link="" color="" class="" size=""]
Ekonomist Murat Qastaevtyń pikirinshe Qazaqstan syrtqy saiasatta derbes áreket etýi qajet. Alaida ázirgi kúni bizdiń eldiń aýzy býýly, syrtqy saiasatta Kremldiń qabaǵyna qarap sóileimiz.
[/perfectpullquote]
"Eýraziialyq odaq básekege qabileti joq, aty da, zaty da kúdikti qurylym. Kúnderdiń kúni Qazaqstan bul odaqtan shyǵady", – deidi Qastaev.
