Mamyr aiynda elimizde jyldyq infliatsiia jedeldep, 11,3% boldy (sáýirde – 10,7%). Jyldyq infliatsiia 16 óńirde jedeldedi, 3 óńirde baiaýlap, 1 óńirde burynǵy deńgeide saqtaldy. Mundai málimetpen Ulttyq Bank bólisti, dep habarlaidy Dalanews.kz.
Retteýshi organnyń málimetinshe, jyldyq infliatsiianyń 13,0%-dyq eń joǵary máni Almaty qalasynda tirkeldi.
"Mamyrda azyq-túlik taýarlarynyń baǵasy jyldyq mánde 9,6%-ǵa deiin jedeldedi (sáýirde – 8,5%). Osy topqa jatatyn taýarlar baǵasy Aqmola oblysynda (11,4%) eń joǵary, al Almaty qalasynda (8,0%) tómen ósim kórsetti", delingen habarlamada.
Mamyrda azyq-túlikke jatpaityn taýarlar baǵasynyń ósimi jyldyq mánde 9,0%-ǵa jetti (sáýirde – 8,9%). Eń joǵary mán Túrkistan oblysynda (14,2%), eń tómengi mán Pavlodar oblysynda (5,4%) tirkeldi.
Mamyrda aqyly qyzmetterdiń baǵasy jyldyq mánde 16,0%-ǵa deiin ósti (sáýirde – 15,7%). Sonymen qatar Almaty qalasynda (22,5%) baǵa jalpy respýblikalyq deńgeiden joǵary, Almaty oblysynda (11,3%) aitarlyqtai tómen ósim tirkeldi.
Mamyrda ailyq infliatsiia elde 0,9%-ǵa ósti.
Aita ketsek, 2025 jylǵy mamyrda halyqtyń aldaǵy bir jyldaǵy infliatsiialyq kútýleri seziletin infliatsiiaǵa berilgen baǵanyń ósimi aiasynda 14,1%-ǵa deiin artty. Sonymen qatar, bes jyldyq kezeńde kútiletin infliatsiianyń medianalyq máni sál tómendegenimen, áli de joǵary deńgeide qalyp otyr. Bul týraly Ulttyq Banktiń ai saiyn júrgizetin saýalnama qorytyndysynda aitylady.
