مامىر ايىندا ەلٸمٸزدە جىلدىق ينفلياتسييا جەدەلدەپ, 11,3% بولدى (سەۋٸردە – 10,7%). جىلدىق ينفلياتسييا 16 ٶڭٸردە جەدەلدەدٸ, 3 ٶڭٸردە باياۋلاپ, 1 ٶڭٸردە بۇرىنعى دەڭگەيدە ساقتالدى. مۇنداي مەلٸمەتپەن ۇلتتىق بانك بٶلٸستٸ, دەپ حابارلايدى Dalanews.kz.
رەتتەۋشٸ ورگاننىڭ مەلٸمەتٸنشە, جىلدىق ينفلياتسييانىڭ 13,0%-دىق ەڭ جوعارى مەنٸ الماتى قالاسىندا تٸركەلدٸ.
"مامىردا ازىق-تٷلٸك تاۋارلارىنىڭ باعاسى جىلدىق مەندە 9,6%-عا دەيٸن جەدەلدەدٸ (سەۋٸردە – 8,5%). وسى توپقا جاتاتىن تاۋارلار باعاسى اقمولا وبلىسىندا (11,4%) ەڭ جوعارى, ال الماتى قالاسىندا (8,0%) تٶمەن ٶسٸم كٶرسەتتٸ", دەلٸنگەن حابارلامادا.
مامىردا ازىق-تٷلٸككە جاتپايتىن تاۋارلار باعاسىنىڭ ٶسٸمٸ جىلدىق مەندە 9,0%-عا جەتتٸ (سەۋٸردە – 8,9%). ەڭ جوعارى مەن تٷركٸستان وبلىسىندا (14,2%), ەڭ تٶمەنگٸ مەن پاۆلودار وبلىسىندا (5,4%) تٸركەلدٸ.
مامىردا اقىلى قىزمەتتەردٸڭ باعاسى جىلدىق مەندە 16,0%-عا دەيٸن ٶستٸ (سەۋٸردە – 15,7%). سونىمەن قاتار الماتى قالاسىندا (22,5%) باعا جالپى رەسپۋبليكالىق دەڭگەيدەن جوعارى, الماتى وبلىسىندا (11,3%) ايتارلىقتاي تٶمەن ٶسٸم تٸركەلدٸ.
مامىردا ايلىق ينفلياتسييا ەلدە 0,9%-عا ٶستٸ.
ايتا كەتسەك, 2025 جىلعى مامىردا حالىقتىڭ الداعى بٸر جىلداعى ينفلياتسييالىق كٷتۋلەرٸ سەزٸلەتٸن ينفلياتسيياعا بەرٸلگەن باعانىڭ ٶسٸمٸ اياسىندا 14,1%-عا دەيٸن ارتتى. سونىمەن قاتار, بەس جىلدىق كەزەڭدە كٷتٸلەتٸن ينفلياتسييانىڭ مەديانالىق مەنٸ سەل تٶمەندەگەنٸمەن, ەلٸ دە جوعارى دەڭگەيدە قالىپ وتىر. بۇل تۋرالى ۇلتتىق بانكتٸڭ اي سايىن جٷرگٸزەتٸن ساۋالناما قورىتىندىسىندا ايتىلادى.
