Boris Japarov óziniń Facebook-te búgin Almatyda ótken zańsyz mitingige qatysty jazba jariialady.
Olar ózderin kóshbasshy dep atap, halyqtyń atynan sóiledi. Oǵan qandai qaqysy bar deimin?! Nelikten olar zańnyń oryndalýyn talap ete otyryp, ony ózderi buzady? Jańa zań búgin kúshine endi. Ol boiynsha aldyn ala ákimdikti eskertip, mitingi ótkizýge ruqsatyp alý kerek.
Sodan keiin qansha jerden mitingiletemin dese, óz erki. Biraq óitken joq qoi. Taǵy da bilikti kinálaý kerek, solardy jaman qylyp kórsetý kerek. Kerisinshe bilik bul rette ózin jaqsy ustady, - dep jazdy Boris Japarov.
Onyń aitýynsha, qala ákiminiń orynbasary Erjan Babaqumarov zańsyz jinalǵan qaýymnyń ortasyna kelip, bul jaǵdaida quqyqtyq sheńberde qalai áreket etý kerektigin baiyppen, aqyryn túsindirdi.
"Ol beibit jinalystar men jańa saiasi mádenietti damytý týraly jańa zańǵa sáikes áreket etýge shaqyrdy. Biraq Mamai men onyń janyndaǵylarǵa munyń qajeti joq.
Olar zańdy bile tura, ony buzýda qarapaiym beibit halyqty qalqan etip, arandatyp otyr. Bizdiń adamdar da aqymaq emes, ózderin oppozitsiia kóshbasshysy dep ataityn adamdardyń shyndyǵynda kim ekenin aqyryndap osydan keiin túsine bastaidy", - dep jazdy Boris Japarov.
