Jambyl oblysynda sot bilim basqarmasynyń talap-aryzyn qanaǵattandyryp, jergilikti grant iegerin 1,7 mln teńgeni memleketke qaitarýǵa mindettedi, dep habarlaidy Dalanews.kz.
Túlek "Geografiia" mamandyǵy boiynsha oqý bitirgennen keiin mindettelgen úsh jyldyq jumysty óteýden bas tartqan.
Is materialdaryna sáikes, stýdenttiń oqýyna (shákirtaqymen birge) jalpy 4,6 mln teńge jumsalǵan. Alaida talap qoiýshy tarap tek oqý qunyn - 1,7 mln teńgeni óndirýdi suraǵan.
Túlek qaryzyn moiyndap, qarajatty kezeń-kezeńimen tóleýge múmkindik berýdi ótingen. Sot sheshimi ázirge zańdy kúshine engen joq.
